2020 جىلى اتالعان باعدارلامانىڭ بارلىق قارجىلاندىرۋ كوزدەرىنەن بىرىڭعاي تۇرعىن ءۇي ساياساتىن جۇزەگە اسىرۋ تاپسىرماسى اياسىندا 14,1 ميلليون شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر (باعدارلامانىڭ جوسپارلارىن ىسكە اسىرۋ ناتيجەلەرى 2021 جىلدىڭ باسىنداعى ستاتيستيكالىق مالىمەتتەر نەگىزىندە انىقتالادى). جىل سوڭىنا دەيىن 15 ميلليون شارشى مەتر (150 مىڭ تۇرعىن ءۇي) سالىنادى دەپ كۇتىلۋدە.
سونىمەن بىرگە, وسى جىلدىڭ 11 ايىندا 12,1 ملن. شارشى مەتر تۇرعىن ءۇي پايدالانۋعا بەرىلدى, بۇل 2019 جىلدىڭ سايكەس كەزەڭىمەن سالىستىرعاندا 9,3%-عا ارتىق. جالپى رەسپۋبليكادا 106,1 مىڭ تۇرعىن ءۇي پايدالانۋعا بەرىلدى, ونىڭ ىشىندە 37,7 مىڭ جەكە تۇرعىن ءۇي, 17,6 مىڭ مەملەكەتتىك قولداۋ ارقىلى سالىنعان ۇيلەر. وسى كەزەڭدە تۇرعىن ءۇي قۇرىلىسىنا 1,7 ترلن تەڭگە كولەمىندە ينۆەستيتسيا تارتىلدى, بۇل 2019 جىلعى دەڭگەيدەن 33,4%-عا جوعارى.
«ايتا كەتۋ كەرەك, باعدارلامانى ىسكە اسىرۋ جەكە ينۆەستيتسيالاردى تارتۋدى ىنتالاندىردى. سوندىقتان وسى جىلدىڭ 11 ايىنىڭ قورىتىندىلارى بويىنشا. ينۆەستيتسيالانعان 1 تەڭگە مەملەكەتتىك قاراجاتقا 4 تەڭگە جەكە ينۆەستيتسيا تارتىلدى», دەدى يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ.
تۇرعىن ۇيلەردىڭ كوپ بولىگى, شامامەن 10,9 ميلليون شارشى مەتر نەمەسە 89,6% جەكە قۇرىلىس سالۋشىلار مەن تۇرعىنداردىڭ تاپسىرىسى بويىنشا جۇزەگە اسىرىلدى. مەملەكەتتىك سەكتور پايدالانۋعا بەرىلگەن تۇرعىن ءۇيدىڭ جالپى كولەمىنىڭ 9,7%-ىن قۇرايدى (نەمەسە شامامەن 1,2 ملن شارشى مەتر).
سونىمەن بىرگە تۇرعىن ءۇيدى پايدالانۋعا بەرۋ بويىنشا كوشباسشىلار – نۇر-سۇلتان قالاسى (157,1%), شىعىس قازاقستان (118,8%), قاراعاندى (117,4%), سولتۇستىك قازاقستان (112%), تۇركىستان (110, 8%) وبلىستارى.
جالپى, تۇرعىن ءۇيدى پايدالانۋعا بەرۋ كولەمىنىڭ وتكەن جىلمەن سالىستىرعاندا ءوسۋى ەلدىڭ 15 وبلىسىندا بايقالادى: شىعىس قازاقستان (118,8%), قاراعاندى (117,4%), سولتۇستىك قازاقستان (112%), تۇركىستان (110,8 %), قوستاناي (106,6%), ماڭعىستاۋ (105,8%), اقتوبە (104,7%), جامبىل (104,3%), الماتى (103,2%), اقمولا (102,8%), پاۆلودار (101,4%), باتىس قازاقستان (100,3%), نۇر-سۇلتان (157,1%), شىمكەنت (104,2%) جانە الماتى (101,9%) قالالارى.
