ۇلتتىق بانك توراعاسىنىڭ ورىنباسارى اقىلجان بايماعامبەتوۆتىڭ ايتۋىنشا, كەلەر جىلى الەمدىك مۇناي باعاسى باررەلىنە 48,3 دوللار كولەمىندە بولماق.
– 2020 جىلعا ارنالعان ءجىو بولجامى ازايادى دەپ تۇزەتىلدى, شامامەن 2,5–2,7 پايىز ارالىعىندا. كوبىنە بۇل شىن مانىندەگى ءجىو-ءنىڭ ايتارلىقتاي تومەن تراەكتورياسىمەن جانە ەلدىڭ جەكەلەگەن وڭىرلەرىندەگى ەپيدەميولوگيالىق جاعدايدىڭ ناشارلاۋىمەن بايلانىستى. الەمدىك ەكونوميكا مەن ىشكى سۇرانىس قالپىنا كەلگەن سوڭ, ءجىو 2021 جىلدىڭ ەكىنشى جارتى جىلدىعىندا جاعىمدى زوناعا قاراي اۋىسادى. كەلەسى جىلدىڭ قورىتىندىسى بويىنشا ءوسىم قارقىنى 3,7–4,0 پايىز بولادى. 2022 جىلدىڭ ءبىرىنشى جارتى جىلدىعىندا وسى ءوسىم قارقىنى ساقتالادى دەگەن بولجام بار, دەدى بايماعامبەتوۆ.
ساراپشىنىڭ ايتۋىنشا, ەپيدەميولوگيالىق جاعداي جاقسارسا – تۇتىنۋشىلار بەلسەندىلىگى ارتادى, ەڭبەك نارىعىندا وڭ وزگەرىس بايقالادى, حالىق تابىسى مەن تۇتىنۋ نەسيەسى كوبەيەدى, سوعان سايكەس ينۆەستيتسيالىق بەلسەندى ارەكەتتەر پايدا بولا باستايدى. سونىمەن قاتار ەكسپەرت 2021 جىلدىڭ سوڭىندا ينفلياتسيا مولشەرىن 4,6 پايىز ارالىعىندا كۇتەتىندەرىن دە مالىمدەدى.
– COVID-19 پاندەمياسى باستالعاننان بەرى ءبىز ازىق-ت ۇلىكتىڭ جىلدىق باعاسى قارقىندى وسكەنىن بايقاۋعا بولادى. نەگىزىنەن بۇل تج رەجيمى كەزىندە جانە شەكارالار جابىلعان كەزدە جەتكىزۋ تىزبەگىنىڭ بۇزىلعانىنا بايلانىستى. ازىق-ت ۇلىكتىڭ جەكەلەگەن تۇرلەرىنە, ياعني, حالىق يممۋنيتەتىن كۇشەيتۋ ءۇشىن تۇتىناتىن ازىق-ت ۇلىك تۇرلەرىنە (سارىمساق, ءزىمبىر, جەمىستەر, اتاپ ايتقاندا تسيترۋس جەمىستەرى) دەگەن سۇرانىستىڭ ارتقانىن بايقاۋعا بولادى. وسى كەزەڭدە حالىق ازىق-ت ۇلىك تۇرلەرىن بولاشاقتا پايدالانۋ ءۇشىن كوپ ساتىپ العانى انىقتالدى. ازىق-ت ۇلىك ينفلياتسياسىنىڭ وسىعان ۇقساس قارقىندى ءوسىمى الەمنىڭ كوپتەگەن ەلدەرىندە كورىنىس تاپتى, دەدى ۇب وكىلى.
