باعدارلاما اياسىندا بيىلدىڭ وزىندە 280 مامانعا الەۋمەتتىك قولداۋا كورەستىلدى. ماسەلەن, 191 مۇعالىم 52,8 ملن تەڭگە كوتەرمە جاردەماقىعا يە بولسا, 115 مامان تۇرعىن ءۇي ساتىپ الۋ ءۇشىن 452,1 ملن تەڭگە بيۋدجەتتىك نەسيە العان.
«مەملەكەتتىڭ كەلەسى قادامى – وڭىردەگى 20 مىڭنان استام مۇعالىمنىڭ مۇددەسىن قورعايتىن «پەداگوگ مارتەبەسى تۋرالى» قازاقستان رەسپۋبليكاسىنىڭ زاڭىن قابىلداۋ. زاڭدا مۇعالىمدەردىڭ قۇزىرەتتىلىگىن ارتتىرۋعا باعىتتالعان ماتەريالدىق ىنتالاندىرۋ نورمالارى قاراستىرىلعان. مىسالى, وسى جىلدىڭ 1 قاڭتارىنان باستاپ پەداگوگتاردىڭ ورتاشا جالاقىسى 25%-عا ارتسا, الداعى جىلدىڭ 1 قاڭتارىنان باستاپ تاعى 25%-عا وسەدى. پەداگوگتەرگە تالىمگەرلىك ءۇشىن ايىنا 17 697 تەڭگە قوسىمشا اقى تولەۋ جۇيەسى ەنگىزىلدى. وبلىستا بارلىعى 247 تالىمگەر بار. سونىمەن قاتار, ماگيستر دارەجەسىن العان مۇعالىمدەرگە دە ايىنا 27 780 تەڭگە ۇستەمە اقى تولەنەتىن بولادى. قازىر وبلىس مەكتەپتەرىندە 354 ماگيستر جۇمىس ىستەپ جاتىر. جەرگىلىكتى بيۋدجەت بۇل ماقساتقا شامامەن 2 ملرد تەڭگە قاراستىرىپ وتىر», دەدى باسقارما باسشىسى.
قازىر قوستاناي وبلىسىندا 5 جارىم مىڭعا جۋىق مۇعالىم پەداگوگيكالىق شەبەرلىگى ءۇشىن قوسىمشا اقى الادى. مىسالى «شەبەر» ساناتى ءۇشىن لاۋازىمدىق جالاقىدان 50%, «زەرتتەۋشى» ساناتىنا 40%, «ساراپشىعا» 35%, «مودەراتور» ساناتىنداعىلارعا 30% مولشەرىندە قوسىمشا اقى تولەنەدى.
قوستاناي وبلىسى
