قحا اتىنان توعىز ادام ۇسىنىلدى:
- قحا-دان سايلانعان, ءماجىلىستىڭ ءVى شاقىرىلىمىنىڭ دەپۋتاتى ساۋىتبەك ءابدىراحمانوۆ;
- باتىس قازاقستان وبلىستىق "ماسيس" ارميان ەتنومادەني قوعامدىق بىرلەستىگىنىڭ توراعاسى اۆەتيك اميرحانيان;
- جامبىل وبلىسى قورداي اۋدانى سارتوبە اۋىلدىق وكرۋگىنىڭ اكىمى يلياس بۋلاروۆ;
- "كوكشەتاۋ گۋمانيتارلىق-تەحنيكالىق ليتسەي-مەكتەبى" كمم ديرەكتورى ناتاليا دەمەنتەۆا;
- "قازاقستاننىڭ ۇلتتىق كوللەكتورلار پالاتاسى" زتب توراعاسى يۋري لي;
- "باربانگ" كۇردتەر قاۋىمداستىعى" رەسپۋبليكالىق قوعامدىق بىرلەستىگىنىڭ ۆيتسە-پرەزيدەنتى ۆاكيل نابيەۆ;
- "قازاقستان تاتار جانە باشقۇرتتار كونگرەسى" رەسپۋبليكالىق قوعامدىق بىرلەستىگىنىڭ قاراعاندى وبلىسى بويىنشا فيليالىنىڭ ديرەكتورى, قاراعاندى وبلىستىق ءماسليحاتىنىڭ دەپۋتاتى شاميل وسين;
- "جەتىسۋوبلگاز" جشس باس ديرەكتورى ۆلاديمير توحتاسۋنوۆ;
- "ازەربايجاندىقتار قاۋىمداستىعى" رەسپۋبليكالىق قوعامدىق بىرلەستىگىنىڭ توراعاسى ابيلفاس حامەدوۆ.
كونستيتۋتسياعا جانە "قازاقستانداعى سايلاۋ تۋرالى" كونستيتۋتسيالىق زاڭعا سايكەس ءماجىلىس دەپۋتاتى بولىپ سايلانۋ ءۇشىن كانديدات قازاقستان ازاماتى بولۋى ءتيىس, قازاقستان اۋماعىندا سوڭعى 10 جىل تۇرۋى كەرەك جانە جاسى 25 جاستان اسقان بولۋى قاجەت.
ايتا كەتەيىك, ءماجىلىس جانە ءماسليحات سايلاۋى 2021 جىلى 10 قاڭتاردا وتەدى.
