تۇراقتى بىرىنشىلىكتىڭ جارىس كەستەسىندە ءتورتىنشى ورىندا تۇرعان بوب ءحارتليدىڭ شاكىرتتەرىنە قارسى كەزدەسۋدە «بارىس» بارىن سالدى. باسەكە باستالعان بەتتە رومان ستارچەنكو ەسەپ اشسا, 8-مينۋتتا كيريلل سەمەنوۆ تارازى باسىن تەڭەستىردى. بۇل گولداردىڭ ەكەۋى دە كوماندالاردىڭ ءبىر ويىنشىسى ارتىق كەزدە سوعىلدى. ەكىنشى كەزەڭدە الما-كەزەك شابۋىلدار جالعاستى. تەك ۇزىلىسكە ساناۋلى سەكۋندتتار عانا قالعاندا ياكوب ليليا قوناقتاردى العا شىعاردى. ءۇشىنشى كەزەڭدە ءدال سول ستسەناري بويىنشا ءوربىدى. قوس كوماندادا دا جاقسى مۇمكىندىكتەر بولعانىمەن, ۇزاققا دەيىن تابلوداعى ەسەپ وزگەرگەن جوق. دەسەك تە شەشۋشى تۇستا شيراق قيمىلداعان قازاقستاندىق حوككەيشىلەر تاعى ءبىر شايبانى قاقپاعا ەنگىزىپ, باسەكەنىڭ سوڭعى نۇكتەسىن كويدى. بۇل گولدىڭ اۆتورى – فيليپ ۆارونە. ەسەپ – 3:1.
وسىلايشا, قاتارىنان ءۇشىنشى كەزدەسۋدە جەڭىسكە جەتكەن «بارىس» جارىس كەستەسىندەگى جاعدايىن ءبىراز جاقسارتىپ, ءوز كورەرمەندەرىن قۋانتتى. ەندى ولار 26 جەلتوقساندا ءوز مۇز ايدىنىندا حاباروۆسكىنىڭ «امۋرىن» قابىلدايدى.
