وسى ماتچتىڭ 65-مينۋتىندا مەرگەندىك تانىتقان ليونەل مەسسي تاعى ءبىر رەكوردتىق كورسەتكىشكە قول جەتكىزدى. ونىڭ ەسىمى ءبىر عانا كوماندا ساپىندا ەڭ كوپ گول سوققان ويىنشى رەتىندە تاريحتا قالدى. ناقتىلاپ ايتساق, 2003 جىلدان بەرى «بارسەلونانىڭ» نامىسىن قورعاپ جۇرگەن 33 جاستاعى ارگەنتينالىق شابۋىلشى سول ۋاقىت ارالىعىندا قارسىلاستار قاقپاسىن 644 رەت ءدال كوزدەگەن ەكەن.
ال بۇعان دەيىنگى رەكورد داڭقتى پەلەگە تيەسىلى ەدى. 1956-1974 جىلدار ارالىعىندا برازيليانىڭ ا سەرياسىندا «سانتوستىڭ» ساپىندا ويناعان فۋتبول كورولى 643 گولدىڭ اۆتورى اتانعان ەدى.
