قوناقۇي تۇركىستاننىڭ مادەني-رۋحاني ورتالىعىندا, ياساۋي كەسەنەسىنە جاقىن, ۇلى دالا ورتالىعى مەن Visit Centre Turkistan ماڭايىندا ورنالاسقان. سىرتقى بەتى كونە عاسىردىڭ عيماراتتارىن ەسكە تۇسىرەتىن ماروككو ستيلىندەگى ەسكى قام كىرپىشتەن سوعىلعان. ورتا عاسىر مەن قازىرگى داستۇرلەردى ءساتتى ۇيلەستىرە وتىرىپ, قالانىڭ ءستيلىن تولىقتىرا تۇسكەن. ءبىر جىلدىڭ ىشىندە بوي كوتەرگەن قوناقۇيدىڭ جالپى الاڭى Top Tobe جەكە بانكەت كەشەنىن قوسقاندا 9000 شارشى مەتر بولادى. ستاندارتتى ساناتتاعى 120 ءنومىر بار. مۇمكىندىگى شەكتەۋلى ادامدارعا ارنايى جاساقتالعان بولمەلەر قاراستىرىلعان. «بۇل ەڭ الدىمەن ستراتەگيالىق ماڭىزدى سالاعا ۇلكەن ۇلەس. ءتۋريزمدى دامىتا وتىرىپ, تۇركىستانعا كەلگەن قوناقتار حالىقارالىق دەڭگەيدەگى قىزمەتتى قولجەتىمدى باعامەن پايدالانا الادى. سونىمەن قاتار, قوناقۇي تۇركىستاننىڭ مادەني-رۋحاني ورتالىعىنا ۇيلەسىمدى», دەدى قۇتتىقتاۋ سوزىندە ارمان جەتپىسباي.
ايتا كەتەلىك, Hilton – قۇرامىنا ءتۇرلى ساناتتاعى 17 قوناقۇي برەندى كىرەتىن دۇنيەجۇزىنە ايگىلى قوناقۇيلەر جەلىسى. الەم بويىنشا بۇل جەلىگە 6000-عا جۋىق قوناقۇي كىرەدى. Hampton by Hilton Turkistan – BI Group پەن Hilton Worldwide اراسىنداعى ەكىنشى بىرلەسكەن جوبا.
