ادەتتە جاڭعاق اعاشى وبلىستىڭ بارلىق وڭىرىندە وسە بەرمەيدى. تۇلكىباس, تولەبي, سايرام, قازىعۇرت اۋداندارىنىڭ تاۋ بوكتەرىندە جانە ۇيىرگەلىك جەرلەردە وسەدى. تۇلكىباس اۋدانىندا سوڭعى ءۇش جىلدا 382 گەكتار جەرگە جاڭعاق اعاشىنىڭ كوشەتتەرى وتىرعىزىلعان.
ايتا كەتەرلىگى, اۋدان بويىنشا بيىل جاڭعاق داقىلىنان 866 توننا ءونىم جينالىپ وتىر. كاسىپكەرلەر اۋداندىق ورتالىق بازار جانىنان قابىلداۋ پۋنكتەرىن اشىپ, ساپاسىنا قاراي كەلىسىن 400-700 تەڭگەدەن ساتىپ الۋدا. كەيىن ءونىمدى قايتا وندەۋدەن وتكىزىپ, قابىعىنان اجىراتىپ وبلىسىمىزدىڭ ءىرى ساۋدا ورتالىقتارى مەن كونديتەرلىك تسەحتارعا نەمەسە باسقا وڭىرلەرگە كەلىسىن 1400-1800 تەڭگەدەن ساۋدالاۋدا.
