ەلدىك جانە وڭىرلىك مۇددەلەر جولىندا

سەناتتىڭ ەكونوميكالىق جانە وڭىرلىك ساياسات كوميتەتىندە “جەر قويناۋى جانە جەر قوي­ناۋىن پايدالانۋ تۋرالى” زاڭ جوباسى تالقىلاندى. جوبا جەر قويناۋىن پايدالانۋ وپەراتسيا­لارىن جۇرگىزۋگە ينۆەستيتسيا تارتۋ ءۇشىن جاعىمدى جاعداي جاساۋعا, رەسپۋبليكالىق جانە وڭىرلىك مۇددەلەر مەن مينەرال­دىق-شيكىزاتتىق بازانىڭ ءۇي­لە­سىمىن قامتاماسىز ەتۋگە باعىت­تالعان. زاڭ جوباسىندا مەملەكەتتىڭ باسىم قۇقىقتارىن جۇزەگە اسى­رۋ مەن جەر قويناۋىن پايدا­لانۋ قۇقىعى بار زاڭدى تۇلعا­لاردى جەر قويناۋىن (ونىڭ ءبو­لىكتەرىن) پايدالانۋ قۇقىقتا­رىنان ايىرۋعا رۇقسات بەرۋ (رۇقسات بەرمەۋ) راسىمدەرىن ەگ­جەي-تەگجەيلى رەتتەۋ قاراستى­رىلعان. قۇجات جەر قويناۋىن پايدالانۋ قۇقىعىن كونكۋرستىق جاعدايدا جانە تىكەلەي كەلىس­سوزدەر ارقىلى بەرۋدى قاراستى­رادى. سونداي-اق قۇزىرەتتى ور­گاندار باستاماسى بويىنشا بىرجاقتى تۇردە جەر قويناۋىن پايدالانۋ شارتتارىنىڭ كۇشى توقتاتىلعان جاعدايدا ونى قاي­تا جاڭعىرتۋدى قاراستىراتىن ەرەجە دە ەنگىزىلدى. ماجىلىستە ماقۇلدانعان زاڭ جوباسىن تالقىلاۋ بارىسىندا بىرقاتار باعىتتار بويىنشا ءوز­گەرىستەر مەن تولىقتىرۋلار ەن­گىزىلەتىن بولدى. اتاپ ايتقاندا, ستراتەگيالىق ماڭىزدى ەنەرگيا جەتكىزۋشى الۋ ماقساتىندا ىلەس­پە گازدى وڭدەۋ ارقىلى ءتيىمدى پايدالانۋ نەمەسە قورشاعان ورتانى جانە حالىق دەنساۋلى­عىن قورعاۋ ءۇشىن مۇناي حيميا­سى ونەركاسىبىنە شيكىزات رە­سۋرستارىن الۋدى قاراستىراتىن تۇزەتۋلەر ەنگىزىلدى. جەر قويناۋىن پايدالانۋ جونىندەگى وپەراتسيالاردى ءجۇر­گىزۋ بارىسىنداعى تاۋارلارداعى, جۇمىستار مەن قىزمەت كورسەتۋ­لەردەگى قازاقستاندىق قۇرامعا قاتىستى, سونداي-اق جەر قويناۋىن پايدالانۋشىلاردىڭ قازاقستاندىق ماماندار تۋرالى مىندەتتەمەلەرىن ورىنداۋ تۋرا­لى ۇكىمەت قۇزىرەتى تولىقتى­رىلدى. باسقا دا شەشىمدى ءجايت­تەر قامتىلدى, دەپ حابارلادى وسى پالاتانىڭ ءباسپاسوز قىزمەتى.