ماقتا سالاسى تۋرالى زاڭ جوباسى قولدانىستاعى اكىمشىلىك كەدەرگىلەردى ازايتۋ جانە قارجى ينستيتۋتتارىنىڭ نەسيەلىك رەسۋرستارىمەن قوسا وسى سالاعا ينۆەستيتسيالاردى تارتۋعا جاعداي جاساۋ ماقساتىندا ازىرلەنگەن بولاتىن. سەناتور سۇلتان دۇيسەمبينوۆ «ماقتا سالاسى تۋرالى» زاڭنىڭ قولدانىستاعى ەرەجەلەرىندە شەتەلدىك ينۆەستيتسيالاردىڭ كەلۋىن ازايتاتىن جانە نەسيە بەرۋگە توسقاۋىل قوياتىن كەدەرگىلەر بار ەكەنىن اتاپ ءوتتى. وسى زاڭ جوباسىمەن قاجەتسىز اكىمشىلىك كەدەرگىلەر جويىلىپ, سالانىڭ ينۆەستيتسيالىق احۋالىن جاقسارتۋعا جانە سالاعا نەسيەلىك رەسۋرستاردى تارتۋعا جاعداي جاسايدى, ماقتا ەگىسى ۇلعايتىلىپ, ماقتانىڭ ساپاسىن جانە قازاقستاندىق كومپانيالاردىڭ ەكسپورتتىق كىرىستەرى جاقسارا تۇسەدى.
سەنات دەپۋتاتتارى ۆەتەريناريا ماسەلەلەرى بويىنشا زاڭ جوباسىن دا تالقىلادى. سەناتور مۇحتار جۇماعازيەۆ ەنگىزىلىپ جاتقان تۇزەتۋلەر ۆەتەرينارلىق قىزمەتتى جەتىلدىرۋگە جانە وسى سالاداعى پروبلەمالار مەن سايكەس كەلمەيتىن تۇستاردى قۇقىقتىق رەتتەۋ ارقىلى جويۋعا مۇمكىندىك بەرەتىندىگىن اتاپ ءوتتى.
«زاڭ جوباسىندا اۋىلشارۋاشىلىعى ت ۇلىكتەرنىڭمالىمەتتەر بازاسىنا ۆەتەريناريالىق پاسپورتتىڭ ەلەكتروندىق نىسانىن ەنگىزۋ ۇسىنىلادى. سونىمەن قاتار, مەملەكەتتىك ۆەتەريناريالىق-سانيتاريالىق ينسپەكتورلاردى باقىلاۋ ءۇشىن فوتو جانە ۆيدەو جابدىقتاردى پايدالانۋ قۇقىعى قاراستىرىلۋدا», دەدى مۇحتار جۇماعازيەۆ
كەدەن ورگاندارى مەن ۆەتەريناريالىق ينسپەكتورلاردىڭ ەۋرازيالىق ەكونوميكالىق وداق اياسىنداعى ءوزارا ءىس-قيمىل ءتارتىبى دە انىقتالاتىن بولدى.
اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتى زاڭ جوبالارىن پالاتاعا ۇسىندى.
