ايماقتار • 23 جەلتوقسان، 2020

مال ۇرلىعىن كاسىپ ەتكەن قىلمىستىق توپ ۇستالدى

152 رەت كورسەتىلدى

21 جەلتوقسان كۇنى قىزىلوردا وبلىسى پد-ءنىڭ جاڭاقورعان اۋداندىق پوليتسيا بولىمىنە شيەلى اۋدانى، بالا بي اۋىلىنىڭ 60 جاستاعى تۇرعىنى ارىز تۇسىرەدى. ارىزىندا اۋىل تۇرعىنى جەلتوقسان ايىنىڭ باسىندا بەلگىسىز بىرەۋلەردىڭ وقشى اتا كەسەنەسى ماڭىنداعى جايىلىمنان 1 باس سيىرىن ۇرلاپ كەتكەندىگىن كورسەتكەن، دەپ حابارلايدى Egemen.kz

اۋداندىق پوليتسيا ءبولىمى قىزمەتكەرلەرىنىڭ جەدەل ىزدەستىرۋ جۇمىستارىنىڭ ناتيجەسىندە بۇل قىلمىسقا كۇدىكتى 3 ازامات انىقتالىپ، ۇستالدى. ولاردىڭ بىرەۋى وبلىس ورتالىعىنىڭ، ەكەۋى اۋدان تۇرعىندارى بولىپ شىقتى.

پوليتسەيلەر تەكسەرۋ بارىسىندا ۇستالعان كۇدىكتىلەردىڭ 15 مال ۇرلىعى قىلمىسىنا قاتىسى بار ەكەندىگىن انىقتادى. قىلمىسكەرلەردىڭ جابىرلەنۋشىلەرگە كەلتىرگەن ماتەريالدىق شىعىنىنىڭ جالپى كولەمى 2 ميلليون 230 مىڭ تەڭگەنى قۇرايدى.

اشىلعان مال ۇرلىعى دەرەگى بويىنشا قازاقستان رەسپۋبليكاسى قىلمىستىق كودەكسىنىڭ 188-1 بابىنىڭ 2 بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە. كۇدىكتىلەر ۋاقىتشا ۇستاۋ يزولياتورىنا قاماققا الىندى.  

«قىزىلوردا وبلىسى پوليتسيا دەپارتامەنتىنىڭ قىزمەتكەرلەرى جىل  باسىنان مال ۇرلىعىمەن اينالىسقان 20 قىلمىستىق توپتى ۇستاپ، 215 مال ۇرلىعى تىركەلدى»، دەپ اتاپ ءوتتى قىزىلوردا وبلىسى پوليتسيا دەپارتامەنتىنىڭ باستىعى بەكتورە سۇلتان.

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇقساس جاڭالىقتار