مامىلەنى جابۋ وتىز كۇنتىزبەلىك كۇن ىشىندە جوسپارلانىپ وتىر. Prime Executions كومپانياسىنا ساتىپ الۋ حولدينگتىڭ الەمدىك ورنىن كەڭەيتىپ, اقش-تا دامۋى ءۇشىن جاعدايلار جاسايدى.
سەو, Freedom Holding Corp. جەتەكشىسى تيمۋر تۋرلوۆ ءبىز Prime Executions Inc. كومپانياسىن ساتىپ العانىمىز جايىندا قۋانا حابارلايتىنىن, بۇل كومپانيانىڭ نيۋ-يورك قور بيرجاسىندا بەدەلى جوعارى ءارى ءبىز سوڭعى 30 جىلدا كليەنتتەرگە جوعارى ساپالى قىزمەت كورسەتەتىن, نارىقتىڭ مىقتى بروكەرلەرى مەن ساراپشىلارىنان قۇرالعان كوماندامەن جەمىستى ىنتىماقتاستىق قاتىناسقا ۇمىتتەنەتىنىن ايتتى.
– اتالعان مامىلە Freedom Holding Corp. ءۇشىن ماڭىزدى جاعداي. سەبەبى بۇل مامىلە ارقىلى ءبىز اقش نارىقتارىنا شىعا الامىز جانە, سايكەسىنشە, ءوز كليەنتتەرىمىزگە نارىقتىق مامىلەلەردى ءتيىمدى ءارى ۋاقتىلى جاسايتىنىنا كەپىلدىك بەرەمىز. ءبىز ءۇشىن بۇل – ۇلكەن ماقتانىش, سەبەبى قاداعالاۋعا جاۋاپتى امەريكالىق رەتتەگىش اقش-تىڭ ىشكى نارىعىنىڭ كليەنتتەرىمەن جۇمىس جاساۋعا مۇمكىندىك تۋدىرىپ وتىر. Prime Executions Inc. كومپانياسىن ساتىپ الىپ, اقش جانە ەۋرازيا نارىعىنىڭ قاتىسۋشىلارىنا نارىقارالىق قارجى مۇمكىندىكتەرىن ۇسىنا وتىرىپ, ءوز بيزنەسىمىزدى كەڭەيتە الامىز دەگەن ۇمىتتەمىز, – دەيدى ول.
حولدينگ Prime Executions Inc. كومپانياسىنىڭ اينالىستاعى اكتسيالارىن كومپانيانىڭ ديرەكتورلار كەڭەسى مۇشەسى رەتىندە جۇمىسىن جالعاستىرۋشى ەندريۋ سيلۆەرماننان جانە دەنيەل تەنديدەن ساتىپ الدى.
Prime Executions Inc. كومپانياسىنىڭ پرەزيدەنتى جانە باس اتقارشۋى ديرەكتورى لاۋازىمىنا روبەرت ۆوتزياك تاعايىندالدى. ۆوتزياك مىرزانىڭ NYSE باسقارۋشى لاۋازىمدارى كىرەتىن, كاپيتال جانە اكىمشىلىك باسشىلىق ەتۋ نارىقتارىندا كونسۋلتاتسيا بەرۋدە 30 جىلدىق تاجىريبەسى بار. روبەرت ۆوتزياك كومپانيادا سوڭعى ەكى جىلدا كونسۋلتانت رەتىندە قىزمەت اتقاردى جانە پرەزيدەنت لاۋازىمىندا بيزنەستى ودان ءارى دامىتۋمەن اينالىسادى.
ءبىر ايتا كەتەرلىگى, Freedom Holding Corp. كومپانياسى MSCI U.S. Small Cap 1750 جانە MSCI U.S. Investable Market 2500 يندەكستەرىنە كىرگىزىلگەن بولاتىن. MSCI U.S. Small Cap 1750 يندەكسى از كاپيتالداندىرۋ سەگمەنتىنىڭ تيىمدىلىگىن ولشەيدى. ول 2003 جىلعى 27 ناۋرىزدا ىسكە قوسىلدى جانە اقش-تىڭ قور نارىعىندا اناعۇرلىم كەڭ U.S. Investable Market 2500 يندەكسىندە قالعان ەڭ از 1750 كومپانيادان تۇرادى. ايگىلى قور يندەكسىنىڭ تىزىمىندە بولۋ - Freedom Holding Corp كومپانياسىنىڭ مويىندالعانىن جانە وعان دەگەن حالىقارالىق دەڭگەيدە سەنىمدىلىكتى بىلدىرەدى.
FINRA (Financial Industry Regulatory Authority) نەمەسە قارجى ينستيتۋتتارىنىڭ قىزمەتىن رەتتەۋ جونىندەگى اگەنتتىك بۇل – اقش-تا ەڭ ءىرى, تاۋەلسىز رەتتەگىش ۇيىمداردىڭ ءبىرى. FINRA 2007 جىلى قۇرىلدى جانە كۇن سايىن ميللارد نارىقتىق جاعدايعا تالداۋ جۇرگىزە وتىرىپ, بۇكىل ەل بويىنشا 624 000 استام بروكەردىڭ جۇمىسىن باقىلايدى. اگەنتتىك نارىقتى مۇقيات قاداعالاپ, ينۆەتوستورلارعا, رەتتەگىش ورگاندارعا, ساياساتكەرلەرگە جانە باسقا دا مۇددەلى تاراپتارعا ايتارلىقتاي قولداۋ كورسەتۋ ءۇشىن, جاساندى ينتەللەكتىنىڭ جانە ماشينالىق وقۋدىڭ يننوۆاتسيالىق تەحنولوگيالارىن پايدالانادى.
Prime Executions Inc. بۇل – اقش-تىڭ باعالى قاعازدار جانە بيرجالار جونىندەگى كوميسسياسىندا تىركەلگەن, NYSE, NASDAQ, FINRA جانە SIPC مۇشەسى بولىپ تابىلاتىن بروكەرلىك-ديلەرلىك كومپانيا. كومپانيا 1986 جىلى قۇرىلدى جانە قازىرگى ۋاقىتتا ايىنا ورتاشا ەسەپپەن العاندا 630 ملن اكتسياعا ساۋدا-ساتتىق جۇرگىزۋ ءۇشىن كوپتەگەن الاڭعا كىرۋگە مۇمكىندىگى بار. كومپانيادا بىلىكتى قىزمەتكەرلەر جۇمىس ىستەيدى جانە ينۆەستورلاردىڭ كەڭەيتىلگەن اياسىنىڭ قاجەتتىلىكتەرىن قاناعاتتاندىرۋ ءۇشىن بارلىق قولجەتىمدى تەحنولوگياسى بار. كومپانيا جايىندا قوسىمشا اقپاراتتى www.primexe.com ۆەب-سايتىندا تابۋعا بولادى.
Freedom Holding Corp. بۇل قارجى قىزمەتىن, بولشەك بروكەرلىك وپەراتسيالاردى, ينۆەستيتسيالار ماسەلەلەرى بويىنشا كونسۋلتاتسيا بەرۋدى, باعالى قاعازداردىڭ ساۋدا-ساتتىعىن, ينۆەستيتسيالىق-بانكتىك جانە اندەررايتينگتىك قىزمەتتەردى ءوزىنىڭ «Freedom Finance» ەنشىلەس كومپانياسى ارقىلى جۇزەگە اسىراتىن حولدينگ. كومپانيا قازاقستان قور بيرجاسىنىڭ (KASE), Astana International Exchange (AIX), ماسكەۋ بيرجاسىنىڭ (MOEX), سانكت-پەتەربۋرگ بيرجاسىنىڭ (SPB), «توشكەنت» رەسپۋبليكالىق قور بيرجاسىنىڭ (UZSE) جانە ۋكراينا بيرجاسىنىڭ كاسىبي قاتىسۋشىسى بولىپ تابىلادى. كومپانيانىڭ باس ءوفيسى قازاقستاندا, الماتى قالاسىندا ورنالاسقان, ال ونىڭ اكىمشىلىك وفيستەرى رەسەيدە جانە اقش-تا ورنالاسقان. كومپانيانىڭ قازاقستاندا, رەسەيدە, قىرعىزستاندا, ۋكراينادا, وزبەكستاندا, گەرمانيادا جانە كيپردە فيليالدارى بار.
بۇگىنگى كۇنى حولدينگتىڭ جاي اكتسيالارى Nasdaq Capital Market بيرجاسىندا, قازاقستان قور بيرجاسىندا جانە سانكت-پەتەربۋرگ بيرجاسىندا ساۋدا-ساتتىققا تۇسەدى.
