بۇيرەگىندە اقاۋى بار 48 جاستاعى ازاماتقا قارىنداسى دونور بولدى. دارىگەرلەر 1986 جىلعى ازاماتشانىڭ ءبىر بۇيرەگىن حيرۋرگيالىق جولمەن الىپ, اعاسىنا ءساتتى قوندىردى. ءتورت ساعاتقا جۋىق جاسالعان وتا ءساتتى شىقتى دەيدى دارىگەرلەر.
ايتا كەتەيىك, بۇگىنگى تاڭدا قالادا بۇيرەك جەتىسپەۋشىلىگى دياگنوزىمەن 800 ناۋقاس كەزەكتە تۇر. بيىل كارانتينگە بايلانىستى ترانسپلانتاتسيا توقتاتىلعان ەدى. تەك قىركۇيەك ايىنان باستاپ قايتا جالعاسىپ, قازىرگى تاڭعا دەيىن 6 ناۋقاسقا وتا جاسالدى.
جالپى, شىمكەنت قالالىق كلينيكالىق اۋرۋحانادا ترانسپلانتاتسيا قىزمەتى قارقىندى دامىپ كەلەدى. 2013 جىلدان بەرى مۇندا 166 بۇيرەك الماستىرۋ وپەراتسياسى جاسالعان.
