ايماقتار • 22 جەلتوقسان, 2020

تۇركىستان وبلىسىندا تۇرمىستىق تەحنيكالار شىعارىلادى

371 رەت

كورسەتىلدى

1 مين

وقۋ ءۇشىن

Artel كومپانياسى تۇركىستان وبلىسىندا اس ءۇي پليتالارىن, قالىپتاۋ بۇيىمدارىن جانە ەلەكتر سۋ جىلىتقىشتارىن شىعاراتىن زاۋىت سالادى. ەكى كەزەڭدە جۇزەگە اسىرىلاتىن جوبا اياسىندا 2 مىڭنان استام جۇمىس ورنىن اشۋ كوزدەلۋدە. ءبىرىنشى كەزەڭدە, ياعني 2021 جىلدىڭ سوڭىنا قاراي جىل سايىنعى قۋاتى 500 مىڭ بىرلىك تۇرمىستىق تەحنيكا – اس ءۇي پليتالارى ءوندىرىسى ىسكە قوسىلادى. ەكىنشى كەزەڭ – 2022 جىلدىڭ سوڭىنا قاراي ەلەكتر سۋ جىلىتقىشتارىن ءوندىرۋ جوسپارلانعان.

عالىمجان ەلشىباي

جوبانى ىسكە اسىرۋدى ينۆەستيتسيالار تارتۋ جانە ەكسپورتتى دامىتۋ جونىندەگى "Turkistan Invest" وڭىرلىك اگەنتتىگى سۇيەمەلدەيدى. ول ء"بىر تەرەزە" قاعيداتى بويىنشا جۇرەدى. جوبانىڭ قۇنى - 85 ملن اقش دوللارىن قۇرايدى. بۇل دەرەكتەر تۇركىستان وبلىسى اكىمىنىڭ ورىنباسارى مەيىرجان مىرزاليەۆ پەن Artel كومپانياسى توبىنىڭ وكىلدەرى كەزدەسۋىندە ءمالىم ەتىلدى. سونداي-اق م.مىرزاليەۆ سەرىكتەستەرگە ءوڭىردىڭ ينۆەستيتسيالىق احۋالى, ەكونوميكالىق مۇمكىندىكتەرى تۋرالى ايتىپ, اكىمدىك تاراپىنان جان-جاقتى قولداۋ كورسەتىلەتىنىن جەتكىزدى. «مۇنداي جوبالاردى ىسكە اسىرۋ قازاقستان-وزبەكستان ىنتىماقتاستىعى مەن ەكى مەملەكەتتىڭ دامۋى ءۇشىن اسا ماڭىزدى. جوبانىڭ ىسكە قوسىلۋى ەلدەگى تۇرمىستىق تەحنيكانىڭ يمپورتىن الماستىرۋعا جانە "قاراپايىم زاتتار ەكونوميكاسىن" دامىتۋعا قىزمەت ەتەدى», دەدى م.مىرزاليەۆ.

تۇركىستان وبلىسى