وڭىرلىك كوممۋنيكاتسيالار قىزمەتىنىڭ كوشپەلى بريفينگىندە 11 ايدا اتقارىلعان جۇمىستارىن قورىتىندىلاعان اۋدان اكىمى نۇربول تۇراشبەكوۆ ءونىم كولەمىن ارتتىرۋ ماقساتىندا ماڭىزدى جوبالاردى جۇزەگە اسىرۋ ءۇشىن 15 ملرد 912 ملن تەڭگە كولەمىندە ينۆەستيتسيا تارتىلعانىن اتاپ ءوتتى. «جالپى اۋداندا 11 ايدىڭ قورىتىندىسى بويىنشا ءىرىلى-ۇساقتى 35 كاسىپورىن جۇمىس ىستەپ كەلەدى. قازىرگى تاڭدا, «قاراپايىم زاتتار ەكونوميكاسى» باعدارلاماسى اياسىندا جالپى قۇنى 1 ملرد 399,3 ملن تەڭگە بولاتىن 33 جوبا سۇيەمەلدەنۋدە. ال «بيزنەس-باستاۋ» باعدارلاماسى بويىنشا 227 ازامات سەرتيفيكات الىپ, جوسپار 100 پايىزعا ورىندالدى. ءبىر سوزبەن ايتقاندا اۋداندا ءوندىرۋ, وڭدەۋ باعىتىنداعى جانە جالپى كاسىپكەرلىك سالاسىنداعى جۇمىستار قارقىندى تۇردە جۇرگىزىلىپ كەلەدى», دەدى ن.تۇراشبەكوۆ.
بيىل اۋىل شارۋاشىلىعى سالاسىنداعى ءونىم كولەمى 46 ملرد 885 ملن تەڭگەگە جەتىپ, 65 774 گەكتار ەگىستىك جەر يەگەرىلگەن. اۋدانداعى جالپى جىلىجاي كولەمى 82,02 گەكتارعا جەتكەن. ولاردان 4 370 توننا قيار, 2 420 توننا قىزاناق الىندى. ەگىستىك جەرلەردى ءتيىمدى پايدالانۋ ماقساتىندا 171,9 گەكتار جەردەن ەكى رەت ءونىم الىنۋدا. اۋىل شارۋاشىلىعى سالاسىندا 5 ملرد 255 ملن تەڭگە ينۆەستيتسيا تارتىلدى. «سىباعا» باعدارلاماسى بويىنشا 665 ءىرى قارا مال الىنىپ, تاپسىرما 138,8 پايىزعا, «التىن اسىق» باعدارلاماسى بويىنشا 4089 مال الىنىپ, تاپسىرما 190,7 پايىزعا, «قۇلان» باعدارلاماسى بويىنشا 289 باس جىلقى الىنىپ, جوسپار 104,3 پايىزعا ورىندالعان. اۋداندا 379 مال بورداقىلاۋ الاڭى جۇمىس ىستەيدى, ونىڭ 100-ءى بيىل ىسكە قوسىلعان.
تۇركىستان وبلىسى
