قوعام • 22 جەلتوقسان، 2020

سايلاۋدى ءادىل وتكىزۋ – حالىق تاڭداۋىنا دەگەن قۇرمەت

6 رەت كورسەتىلدى

ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋروسى (دياقب) بايقاۋشىلار ميسسياسىنىڭ دەلەگاتتارى قازاقستان رەسپۋبليكاسى كاسىپوداقتار فەدەراتسياسى (قركف) بايقاۋشىلارىنىڭ رەسپۋبليكالىق شتابىندا بولدى.

دەلەگاتسيانى ەقىۇ-نىڭ ەلەكتورالدى شولۋشىسى ميحاەلا سيۆيچ باسقاردى.

كاسىپوداقتار فەدەراتسياسى اتى­نان بۇل كەزدەسۋگە قركف باي­قاۋ­شىلارى رەسپۋبليكالىق شتا­بى­نىڭ توراعاسى نۇرلان وتە­شەۆ، نۇر-سۇلتان بويىنشا بايقاۋشىلاردىڭ ايماق­تىق شتابىنىڭ توراعاسى تولە­گەن كۇ­نادىلوۆ جانە قركف باي­قاۋ­شىلارىنىڭ رەسپۋبليكالىق شتابىنىڭ اناليتيك-ساراپشىسى شەرزود پۋلاتوۆ قاتىستى.

ميحاەلا سيۆيچ كاسىپوداقتار فەدە­راتسياسىنىڭ سايلاۋدى باي­قاۋعا قاتىسۋىنىڭ ماقساتتارى مەن مىندەتتەرى تۋرالى سۇرادى.

«2 ميلليون مۇشەسىنىڭ مۇد­دەلەرىن قورعايتىن كاسىپ­وداقتار فەدەراتسياسى ەڭ ماڭىزدى ىشكى ساياسي پروتسەستەردەن تىس قالا المايدى جانە سايلاۋ پروتسەسىنىڭ زاڭدىلىعى مەن اشىقتىعىن ساق­تاۋدى قولدايدى. قاراشا ايىندا ءبىز بايقاۋشى رەتىندە ءماجىلىس پەن ءماسليحاتتار دەپۋتات­تارى­نىڭ سايلاۋىنا قاتىسۋ تۋرالى مالىمدەمە جاسادىق»، دەدى ن.وتەشەۆ.

ول شەتەلدىك ارىپتەستەرىنە كاسىپ­وداقتاردان بايقاۋشى­لار­دىڭ رەسپۋبليكالىق جانە اي­ماقتىق شتابىنىڭ جۇمىسى تۋرالى، ونىڭ ىشىندە بايقاۋشىلاردى وقىتۋ شارالارى، باق-پەن ءوزارا ءىس-قيمىل جانە ۇيىمداستىرۋ جۇمىستارى تۋرالى حاباردار ەتتى. «كاسىپوداقتار فەدەراتسياسىنىڭ بايقاۋشىلارى رەتىندە ەل بو­يىنشا شامامەن 7000 كاسىپوداق مۇشەلەرى قاتىسادى. كاسىپوداق باي­قاۋشىلارى بارلىق سايلاۋ كەزەڭىندە ازاماتتاردىڭ ءسوز بوس­تان­دىعىنا قۇقىقتارىن قامتا­ماسىز ەتۋگە باعىتتالعان. ءبىز سايلاۋ پروتسەسىنىڭ ەلدىڭ زاڭدارىنا ساي­كەس ءوتۋىن قامتاماسىز ەتەمىز. ەلدەگى شتاب­تاردىڭ باسشىلارى ساياسي پار­تيالارمەن، جۇ­مىس بە­رۋ­­­شى­لەرمەن جانە ەڭبەك ۇجىم­دا­رى­­مەن كەزدەسۋلەر وتكىزىپ، ازا­ما­ت­­­تاردىڭ ءسوز بوستاندىعىن بۇزۋ­عا جول بەرىل­مەيتىندىگى تۋرالى اق­­پا­راتتى جەتكىزدى»، دەدى قكرف باي­­قاۋ­­شىلار شتابىنىڭ توراعاسى.

كەزدەسۋ اياسىندا قركف شتابى مەن مونيتورينگ جۇرگى­زەتىن باسقا ۇكىمەتتىك ەمەس ۇيىم­داردىڭ ءوزارا ءىس-قيمىل ماسەلە­لەرى دە تالقىلاندى.

بايقاۋشىلاردى دايارلاۋ جونىندەگى جۇمىس تۋرالى ايتا وتىرىپ، ن.وتەشەۆ سايلاۋدى پارتيالىق ەمەس بايقاۋ ورتالىعى اياسىندا بايقاۋشىلاردى وقىتۋ جونىندەگى ازاماتتىق اليانسپەن بىرلەسكەن باستامالارى تۋرالى ايتتى. ورتالىق بۇكىل ەل بويىنشا سايلاۋ ۋچاسكەلەرىن بارىنشا قامتۋ ءۇشىن بايقاۋشىلاردى ەڭ جاقسى حالىقارالىق ستاندارتتار شەڭبەرىندە وقىتادى.

حالىقارالىق ۇيىم وكىلدەرى قازاقستانداعى ەقىۇ كەڭسەسىنىڭ بايقاۋشىلار ميسسياسىنىڭ جۇمىسى تۋرالى ايتتى. ميحاەلا سيۆيچ دياقب باقىلاۋشىلارى پارلامەنتتىك سايلاۋدى ەقىۇ مىندەتتەمەلەرىنە جانە باسقا دا حالىقارالىق مىندەتتەمەلەرگە، سونداي-اق دەموكراتيالىق سايلاۋ ستاندارتتارىنا سايكەستىگى ءۇشىن باعالايتىنىن باسا ايتتى. «بايقاۋشىلار سايلاۋشىلار مەن كانديداتتاردى تىركەۋدى، ۇگىت-ناسيحات جۇمىستارىن، سايلاۋ اكىمشىلىگى مەن ءتيىستى مەملەكەتتىك ورگانداردىڭ جۇمىسىن، سايلاۋعا قاتىستى زاڭنامانى جانە ونىڭ قولدانىلۋىن، بۇقارالىق اق­پارات قۇرالدارىن جانە ساي­لاۋعا قاتىستى داۋلاردى شەشۋدى مۇقيات قاداعالايدى»، دەدى حالىقارالىق ساراپشى.

كەزدەسۋ بارىسىندا قركف-نىڭ سايلاۋ پروتسەستەرىنە قاتى­سۋى­نىڭ ماڭىزدىلىعى اتاپ ءوتىلدى. تاراپتار ءبىراۋىزدان ۇلت­تىق جانە حالىقارالىق زاڭ­ناما­نىڭ تالاپتارىنا سايكەس، قازاقستاندا اشىق جانە ءادىل سايلاۋ وتكىزۋدىڭ ماڭىزدىلىعىن اتاپ ءوتتى.

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار