قىزىلجار اۋدانىنىڭ تۇرعىنى قىزىن كۇتىپ-باعۋعا 700 مىڭ تەڭگە تولەدى. ەر ادام سوڭعى كەزدەرى اليمەنت تولەمەگەنى ءۇشىن قارىز بولعان. بالانىڭ اناسى سوت ورىنداۋشىلارىنا جۇگىنگەن, الايدا ولاردىڭ ارالاسۋىنان كەيىن دە ەر ادام ءوزىنىڭ توعىز جاستاعى قىزىن تاربيەلەۋ جونىندەگى مىندەتتەرىن ورىنداۋعا اسىقپاعان.
قىزىلجار اۋدانىنىڭ پوليتسيا ءبولىمى قر قك 139-بابى (بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەۋدى باستالدى. پوليتسيا اۋىل تۇرعىنىنىڭ تابىسى بار ەكەنىن انىقتادى.
تەرگەۋ اياقتالىپ, ءىس پروكۋراتۋراعا جولدانعاننان كەيىن, ول قىلمىستىق جاۋاپكەرشىلىكتەن قۇتىلا المايتىنىن ءتۇسىنىپ, بۇرىنعى ايەلىمەن تاتۋلاسىپ, اليمەنت بويىنشا بارلىق قارىزدارىن تولەدى. مەرەكە قارساڭىندا قىزدىڭ اناسى بارلىق قۇقىق قورعاۋ ورگاندارىنىڭ قىزمەتكەرلەرىنە اتقارىلعان جۇمىستارى ءۇشىن العىسىن ءبىلدىردى. اليمەنت تولەمەۋگە بايلانىستى تاعى ءبىر قىلمىستىق ءىستى قىزىلجار اۋدانى پوليتسيا ءبولىمىنىڭ قىزمەتكەرلەرى سوتقا جىبەردى.
2011 جىلدان باستاپ بەلوە اۋىلىنىڭ 33 جاستاعى تۇرعىنى بالا الدىنداعى مىندەتتەرىن ۇمىتىپ كەتكەن. تەرگەۋ بارىسىندا بەلوە اۋىلىنىڭ تۇرعىنى اي سايىن جالاقى الىپ تۇرسا دا, اليمەنت تولەۋ تۋرالى سوت شەشىمىن ورىنداماي كەلگەنى انىقتالدى. سوت شەشىمىمەن ونىڭ باس بوستاندىعى ءبىر جىلعا شەكتەلدى.
– بالالاردى كۇتىپ-باعۋعا قاراجات تولەۋ جونىندەگى مىندەتتەردى ورىنداماعانى ءۇشىن قىلمىستىق كودەكسپەن قوعامدىق جۇمىستاردان باستاپ, باس بوستاندىعىنان ايىرۋعا دەيىنگى جازالار قاراستىرىلعان, – دەيدى سقو پوليتسيا دەپارتامەنتى انىقتاۋ باسقارماسىنىڭ باستىعى ەربول بەكتۇروۆ.
