21 جەلتوقسانداعى جاعداي بويىنشا نۇر-سۇلتان قالاسىنىڭ اۋداندىق سانيتارلىق-ەپيدەميولوگيالىق قاداعالاۋ باسقارمالارى پوليتسيادان كارانتيندى بۇزعان ادامدارعا قاتىستى 2340 ماتەريال الدى. 1185 جەكە جانە زاڭدى تۇلعا جالپى سوماسى 230 891 244 تەڭگەگە اكىمشىلىك جاۋاپكەرشىلىككە تارتىلدى.
بۇگىنگى تاڭدا جالپى سوماسى 184 081 225 تەڭگەگە 957 اكىمشىلىك ايىپپۇل تولەندى.
نەگىزگى قۇقىق بۇزۋشىلارعا تاماقتانۋ ورىندارى (مەيرامحانالار, دەمالىس ورىندارى, بانكەت زالدارى), دۇكەندەر, ويىن-ساۋىق مەكەمەلەرى (كاراوكە, تۇنگى كلۋبتار), كومپيۋتەرلىك جانە ويىن كلۋبتارى, ساۋدا ورتالىعىنداعى باتۋت ورتالىقتارى, باسقا وبەكتىلەر (كينوتەاترلار, سۇلۋلىق سالوندارى, ساۋنالار, مونشالار, ماسساج كابينەتتەرى) جاتادى.
ەسكە سالا كەتەيىك, بىرقاتار تۇنگى كلۋبتار مەن مەيرامحانالارعا قاتىستى بۇيرىقتى ورىنداماعانى ءۇشىن نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا 7 اكىمشىلىك حاتتاما جىبەرىلدى. ولار «SOVA» كاراوكە-بارى, «جانىم سول» كاراوكە-بارى, «Alanya» تۇنگى كلۋبى, «Teqila» دەمالىس بولمەسى, «Echo» بارى, «زولوتو» مەيرامحاناسى.
«سانيتارلىق ەپيدەميولوگيالىق قاداعالاۋ باسقارماسىنىڭ وكىلدەرى سوتتان جوعارىدا اتالعان نىساندار قىزمەتتى 3 ايعا دەيىن توقتاتا تۇرۋ تۇرىندەگى قوسىمشا جازانى قولدانۋ تۋرالى ءوتىنىش جاسايدى», - دەپ اتاپ ءوتتى سانيتارلىق-ەپيدەميولوگيالىق قاداعالاۋ دەپارتامەنتى.
