اتاپ ايتساق, ايەلدەر اراسىنداعى ەلىمىزدىڭ ءبىرىنشى راكەتكاسى ەلەنا رىباكينا 19 ورىندى ولجالاۋدا. قازاقستاندىق تەننيسشىلەر اراسىنداعى ەڭ ۇزدىك ناتيجە ازىرگە وسى. يۋليا پۋتينتسەۆا 28 ورىنعا جايعاسسا, زارينا دياس 80 ساتىعا تابان تىرەدى. قازىرگى كەزدە WTA تىزىمىندە اۋستراليالىق ەشلي بارتي جەكە-دارا كوش باستاسا, رۋمىنيالىق سيمونا حالەپ, جاپونيالىق ناومي وساكا, امەريكالىق سوفيا كەنين جانە ۋكراينالىق ەلينا سۆيتولينا ۇزدىك بەستىكتىڭ ساناتىندا.
ەرلەر اراسىندا بۇگىنگى تاڭدا سەربيانىڭ ساڭلاعى نوۆاك دجوكوۆيچكە تەڭ كەلەر ەشكىم تابىلماي تۇر. ونى يسپانيالىق رافاەل نادال, اۋستريالىق دومينيك تيم, رەسەيلىك دانيل مەدۆەدەۆ جانە شۆەيتساريالىق رودجەر فەدەرەر وكشەلەپ كەلەدى. «توپ-100» ويىنشىنىڭ قاتارىنا قازاقستاننىڭ قوس وكىلى ەنىپ وتىر. ولار – الەكساندر بۋبليك (50 ورىن) پەن ميحايل كۋكۋشكين (89 ورىن).
