15 جىل بويى عارىشتىق بايلانىس ورتالىعىنىڭ قىزمەتكەرلەرى تەلەكوممۋنيكاتسيالىق سپۋتنيكتەردىڭ تەحنيكالىق سيپاتتامالارىن باقىلاۋدى, باسقارۋدى جانە قولداۋدى, سونداي-اق «KazSat» سەريالى عارىش اپپاراتتارىنىڭ مونيتورينگ جۇرگىزۋىن جۇزەگە اسىرۋدا.
2018 جىلدان باستاپ قازاقستاننىڭ عارىشتىق بايلانىس كاسىپورنى سپۋتنيكتىك بايلانىس وپەراتورلارىنا سپۋتنيكتىك سيگنالدى جالعا بەرۋ ارقىلى اقپاراتتىق تەحنولوگيالار مەن تەلەكوممۋنيكاتسيا قىزمەتتەرىنىڭ نارىعىن 100% قامتاماسىز ەتەدى.
«Kazsat» بايلانىس سپۋتنيكتەرىنىڭ قىزمەتتەرىن ەلىمىزدىڭ اۋماعىندا ورنالاسقان 13 مىڭنان استام بايلانىس سپۋتنيكتەرىنىڭ جەر ستانتسيالارى بار 15 نەگىزگى قازاقستاندىق بايلانىس جانە حابار تاراتۋ وپەراتورلارى پايدالانادى.
«قازىرگى ۋاقىتتا ءبىزدىڭ الدىمىزدا حالىقارالىق دەڭگەيگە شىعۋ جانە جاقىن كورشىلەرىمىزگە ءونىم ەكسپورتىن قامتاماسىز ەتۋ مىندەتى تۇر. وسى تۇرعىدا قىرعىزستانمەن ىنتىماقتاستىقتىڭ باستاماسى بار. سونداي-اق, وزبەكستان مەن تاجىكستاننىڭ سپۋتنيكتىك بايلانىس وپەراتورلارىمەن جاڭا جۇمىستاردى كۇتەمىز», - دەدى «رعبو» اق باسقارما توراعاسى مالىك جۇيرىكتاەۆ.
ورتالىق ىسكە قوسىلعان ساتتەن باستاپ ەكى رەت جاڭارتىلىپ, تەحنيكالىق جاعىنان جاراقتاندىرىلدى. «اقكول» عارىشتىق بايلانىس ورتالىعى حالىقارالىق ەلەكتر بايلانىسى وداعىنىڭ (ITU) سپۋتنيكتىك راديوباقىلاۋ ستانتسيالارىنىڭ بىرىڭعاي تىزىلىمىنە ەنگىزىلدى. ITU - بىرىككەن ۇلتتار ۇيىمىنىڭ مامانداندىرىلعان مەكەمەسى. ونىڭ اياسىندا ۇكىمەتتەر مەن جەكە سەكتور جاھاندىق جەلىلەرىن, ەلەكتر بايلانىسى قىزمەتتەرىن ۇيلەستىرەدى.
2011 جىلدان باستاپ 2019 جىلعا دەيىن عارىشتىق بايلانىس جۇيەسىن پايدالانۋدان تۇسكەن جالپى تابىس 29 ملرد تەڭگەدەن استام سومانى قۇرايدى. مەملەكەتتىك بيۋدجەتكە 6 ملرد تەڭگەدەن استام جالپى سالىق اۋدارىلدى. وتكەن جىلدىڭ قورىتىندىسى بويىنشا رعبو ميلليارد تەڭگەگە جۋىق تازا پايدا الىپ, مەملەكەتتىك قازىناعا اۋدارىلدى.
ورتالىق قىزمەتكەرلەرى تاۋلىك بويى «Kazsat-2» جانە «KazSat-ز» سپۋتنيكتەرىنىڭ بايلانىس جانە حابار تاراتۋ جۇيەلەرىن باسقارۋدا.
