ايتا كەتەيىك, ءماجىلىس وتاندىق سىرا مەن شاراپتى جارنامالاۋعا سالىنعان تىيىمدى الىپ تاستاۋدى كوزدەيتىن زاڭ جوباسىن ماقۇلداپ, سەناتقا جولداعان ەدى.
الايدا بۇگىنگى وتىرىستا پارلامەنتتىڭ جوعارعى پالاتاسى بۇل نورمانى قولداعان جوق.
«زاڭ جوباسىندا ەلىمىزدىڭ اۋماعىندا وندىرىلگەن سىرانى جارنامالاۋعا تىيىم سالۋدى الىپ تاستاۋ ماسەلەسى دە كوزدەلگەن. بۇل نورمانى ەنگىزۋ قوسىمشا جارناما ونىمدەرىن ورنالاستىرۋ مۇمكىندىگىن كەڭەيتۋ ەسەبىنەن, جارناما, سونداي-اق تەلە-راديو ارنالارى مەن باسپا باسىلىمدارىن ءوندىرۋ جانە ورنالاستىرۋ جونىندەگى قىزمەتتەردى دامىتۋعا ىقپال ەتەدى دەگەن نەگىزدەمە بەرىلگەن. الايدا وسى ماسەلە ءبىراز پىكىرتالاس تۋعىزدى. سالاماتتى ءومىر سالتى جونىندە ۇنەمى ايتىپ ءجۇرمىز. وسىعان وراي سەناتورلار بۇقارالىق اقپارات قۇرالدارىندا سىرا تاۋارى بەلگىلەرىن جارنامالاۋدان باس تارتۋدى ۇسىنىپ وتىر», دەدى الەۋمەتتىك-مادەني دامۋ جانە عىلىم كوميتەتىنىڭ مۇشەسى, دەپۋتات ايگۇل قاپباروۆا.
سەناتورلار بۇل تۇزەتۋلەر قازاقستاندىقتاردى, سونىڭ ىشىندە بالالاردى شاراپ ونىمدەرىنەن قورعاۋعا مۇمكىندىك بەرەدى دەپ سانايدى. زاڭ جوباسى ءتيىستى تۇزەتۋلەرمەن ماجىلىسكە كەرى قايتارىلدى.
