كەزەڭ-كەزەڭىمەن جۇرگىزىلىپ جاتقان جۇيەلى شارالاردىڭ ارقاسىندا مەكتەپكە دەيىنگى مەكەمەلەردەگى ورىن تاپشىلىعى ماسەلەسى وڭتايلى شەشىلە باستاعان. ماسەلەن, 2020 جىلى الاتاۋ, المالى, تۇركسىب جانە بوستاندىق اۋداندارىندا 670 ورىنعا شاقتالعان ءتورت مەملەكەتتىك مەكتەپكە دەيىنگى ۇيىم اشىلدى. سونىمەن بىرگە, 1378 ورىندىق 48 جەكەمەنشىك مەكتەپكە دەيىنگى ۇيىم ءوز جۇمىسىن باستاعان. سونداي-اق, مەملەكەتتىك بالاباقشالاردى قايتارۋعا ارنالعان شارالار دا جەمىستى جالعاسۋدا.
"قازىرگى ۋاقىتتا اۋەزوۆ اۋدانىنداعى "سكازكا" بالاباقشاسىنىڭ عيماراتى جالعا بەرۋدەن قايتارىلدى. 2021 جىلى 320 ورىنعا ەسەپتەلگەن ون ءتورت توپتان تۇراتىن مەملەكەتتىك بالاباقشا اشۋ جوسپارلانۋدا. الماتى قالاسىندا بالاباقشا كەزەگىن ازايتۋ ءۇشىن سوڭعى 3 جىلدا 1950 ورىنعا ارنالىپ 10 مەملەكەتتىك بالاباقشا سالىندى. جەكەمەنشىك مەكتەپكە دەيىنگى مەكەمەلەردى اشۋ ءۇشىن بارلىق جاعداي جاسالۋدا جانە سوڭعى 3 جىلدا 9368 ورىنعا ارنالعان 380 جەكەمەنشىك مەكتەپكە دەيىنگى ۇيىم اشىلدى», - دەپ اتاپ ءوتتى ايسۇلۋ بوتاەۆا.
الماتىدا 2021-2025 جىلدار ارالىعىندا 15 مەملەكەتتىك جانە 324 جەكەمەنشىك بالاباقشانىڭ قۇرىلىسى جوسپارلانعان.
بۇگىنگى كۇنى مەگاپوليستە 65 080 بالا كونتينگەنتىن قامتيتىن 824 مەكتەپكە دەيىنگى ۇيىم جۇمىس ىستەيدى, ونىڭ ىشىندە: مەملەكەتتىك بالاباقشالار – 189, جەكەمەنشىك بالاباقشالار – 399, شاعىن ورتالىقتار-236. 2020 جىلى ءبىر جاستان التى جاسقا دەيىنگى بالالاردى مەكتەپكە دەيىنگى تاربيەمەن جانە وقىتۋمەن قامتۋ 63,5% - دى, بۇل رەتتە ءۇش جاستان التى جاسقا دەيىنگى بالالاردى قامتۋ-89,4%-دى قۇرايدى. سونىمەن قاتار, مەملەكەتتىك جەكە سەرىكتەستىك اياسىندا قالادا 1751 ورىنعا شاقتالعان 31 جەكەمەنشىك مەكتەپكە دەيىنگى ۇيىم جۇمىس ىستەيدى. مەملەكەتتىك ءبىلىم بەرۋ تاپسىرىسى 397 جەكە بالاباقشادا 20441 ورىنعا ورنالاستىرىلعان.
اتاپ وتەتىن جايت, مەملەكەتتىك بالاباقشاعا جولداما الۋ ءۇشىن balabaqsha.open-almaty.kz ەلەكتروندى جۇيەسى قولدانىلادى. سونىمەن قاتار, 2020 جىلدان باستاپ مەكتەپكە دەيىنگى ساناتوريلىك جانە تۇزەتۋ ۇيىمدارىنا جولداما بەرۋ جانە قويۋ (ورناتۋ) پروتسەسى اۆتوماتتاندىرىلدى, تاربيەلەنۋشىلەردىڭ ساباققا قاتىسۋىنىڭ ەلەكتروندىق تابەلى جۇرگىزىلۋدە. بۇل مەملەكەتتىك ءبىلىم بەرۋ تاپسىرىسىن جۇزەگە اسىرۋ كەزىندە بۇزۋشىلىقتاردىڭ الدىن الادى. 2021 جىلعا قاراي ەلەكتروندىق ءمازىرىن, سونداي-اق بالالاردىڭ ەپتىلىكتەرى مەن داعدىلارىنا مونيتورينگ جۇرگىزۋدىڭ اۆتوماتتاندىرىلعان جۇيەسىن ازىرلەۋ جوسپارلانعان.
