باعدادتاعى اقش ەلشىلىگى زىمىراندى اتىپ قۇلاتۋ ءۇشىن C-RAM قورعانىس جۇيەسى ىسكە قوسىلعانىن مالىمدەدى.
وسىعان بايلانىستى اقش-تىڭ مەملەكەتتىك حاتشىسى مايك پومپەو: «شابۋىلدى يران جاساقتارىنىڭ جاساعانى ايدان انىق. ەلشىلىك قىزمەتكەرلەرىنىڭ ەشقايسىسى زارداپ شەكپەگەنىمەن, شابۋىل سالدارىنان جەرگىلىكتى تۇرعىن قازا تاپتى. سونداي-اق ەلدىڭ ازاماتتىق مەنشىگىنە زيان كەلتىرىلدى», دەيدى ول.
يراك پرەزيدەنتىنىڭ ءباسپاسوز حاتشىسى دا شابۋىلدى ايىپتاپ وتىر. وسى ورايدا اق ءۇيدىڭ رەسمي وكىلدەرى شابۋىل جاسادى دەپ يراك قولداۋ كورسەتەتىن جاساقتاردى ايىپتاعانىمەن, يران قولدايتىن بىردە-ءبىر جاساق جاۋاپكەركەشىلىكتى العان جوق.
يراكتىڭ قاۋىپسىزدىك قىزمەتى زىمىران قوندىرعىلارىن ىزدەپ جاتىر. ەندى اتالعان جايتتان كەيىن قاۋىپسىزدىك كۇشتەرى باعدادتاعى اقش ەلشىلىگىن قىراعى كۇزەتەتىن بولدى.
