رۋحانيات • 21 جەلتوقسان، 2020

جاس دارىنعا – جاڭا كليپ

41 رەت كورسەتىلدى

جۋىردا «حابارShow» Youtube كانالىندا جانە «حابار» تەلەارناسىنىڭ ەفيرىندە جاس دارىن، ەلىمىزدىڭ ماق­تانىشى ەرجان ماكسيمنىڭ جاڭا انىنە تاسپالانعان «قازاقتىڭ ۇلدارى» اتتى بەينەباياننىڭ تۇساۋكەسەرى ءوتتى.

«حابار» اگەنتتىگىنىڭ تاۋەلسىزدىك كۇنىنە تارتۋ ەتىپ، ەل نامىسىن قورعاپ جۇرگەن ايتۋلى ازاماتتاردىڭ قۇرمەتىنە ارنالعان مەرەكەلىك كليپىن كورەرمەندەر وتە جىلى قابىلداۋدا.

بەينەبايان الماتى قالاسىنداعى قازاق­فيلم كينوستۋدياسىندا تۇسىرىلگەن. «قازاقتىڭ ۇلدارى» دەپ اتالاتىن ءاننىڭ ءسوزىن اقىن راحات ءابدىراحمانوۆ، ال مۋزىكاسىن ەربولات دوسبو­لات ۇلى جازعان.

ماكسيم تۋرالى كوزىقاراقتى كورەرمەن قاۋىم جاقسى ءبىلۋى ءتيىس. جاس ورەن بىلتىرعى وتكەن «Junior Eurovision-2019» حالىقارالىق ءان بايقاۋىندا قازاقستاننىڭ نامىسىن قورعاپ، ەكىنشى ورىن يەمدەنگەن بولاتىن. «بۇل كليپ مەرەكە قارساڭىندا جاقسى تارتۋ بولدى دەپ ويلايمىن. ويتكەنى بۇل ولەڭ دە، بەينەبايان دا قازاق تارلاندارىنا ارنالعان. بەيبىت ەلىمىزدىڭ بۇگىنگى باتىرلارىنا كورسەتىلگەن قۇرمەت. ءبىز ءوز تاراپىمىزدان ەرجان ماكسيمدى قولداۋ ماقساتىندا وسىنداي بەينەماتەريالدى ءتۇسىرۋدى ءجون سانادىق»، دەدى «حابار» تەلەار­ناسىنىڭ ديرەكتورى دينارا بيسەمبينا.

كليپكە وليمپيادا چەمپيونى ەرماحان يبراي­موۆ، كاسىبي بوكسشى جانقوش تۇراروۆ باس­تاعان سپورتشىلار مەن ءبىر توپ ءانشى تۇسكەن. رەجيسسەرى – نۇرسەرىك قامبار. تىڭ تۋىن­دى تۋرالى ماكسيمنىڭ ءوزى: «قازاقتىڭ جىگىتتەرى ءبىر-ءبىرىن قولداپ ءجۇرسىن دەگەن نيەتپەن وسى ءاندى شىعاردىق. ءتۇسىرىلىم بارىسى وتە كەرە­مەت ءوتتى. وزىمىزگە قاتتى ۇنادى جانە دە كليپ وتە قىزىق بولدى. ارقاشان ەلىمىز امان، جۇر­تىمىز تىنىش بولسىن»، دەپ ريزاشىلىق بىلدىرۋدە.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار