دوستىق دانەكەرى

فرانتسيالىق ارىپتەستەرمەن اڭگىمە سەناتتىڭ قارجى جانە بيۋدجەت, ەكونوميكالىق جانە وڭىرلىك ساياسات كوميتەتتەرىنىڭ باسشىلارى قايرات يششانوۆ پەن نۇرلىعايىم جول­داسباەۆا فرانتسيا رەسپۋبليكاسى سەناتى قارجى كوميتەتىنىڭ ءتورا­عاسى جان ارتيۋس باستاعان دەلەگا­تسيامەن كەزدەستى. وندا قازاقستان-فرانتسيا ىنتىماقتاستىعىن, ونىڭ ىشىندە ءوزارا پارلامەنتارالىق ءىس-قيمىلدى ودان ءارى دامىتۋ ماسە­لەلەرى تالقىلاندى. كەزدەسۋدىڭ باستى تاقىرىبى ەكونوميكانى جەدەل ءارتاراپتان­دىرۋ جانە ونىڭ سەكتورلارىنىڭ باسەكەگە قابىلەتتىلىگىن ارتتىرۋدى ماقسات ەتكەن جوبالاردى جۇزەگە اسى­رۋعا فرانتسۋز تارابىنىڭ قاتى­سۋى بولدى. ن.جولداسباەۆا الەمدىك قارجى داعدارىسى زارداپتارىن ەڭسەرۋ جانە داعدارىستان كەيىنگى دامۋ ءۇشىن مەملەكەت قابىلداعان شارالار تۋرالى اڭگىمەلەدى. اتاپ ايتقاندا, جاڭا ەكونوميكالىق ساياسات مىندەتتەرىن جۇزەگە اسىرۋعا, مەملەكەتتىك يندۋستريالىق-يننو­ۆاتسيالىق دامۋ باعدارلاماسىن ورىنداۋعا ۇلتتىق قوردان جىل سايىن 8 ميللياردقا جۋىق دوللار بولىنەتىن بولادى. سونداي-اق دەپۋتات قازاقستاننىڭ ەنەرگەتيكا, جاڭارتىلاتىن ەنەرگيا كوزدەرى, اەروعارىش سالالارىنداعى ىنتى­ماق­تاستىقتى ودان ءارى بەلسەندى­لەندىرۋگە مۇددەلىلىگىن اتاپ ءوتتى. ق.يششانوۆ ارىپتەستەرىن قارجى زاڭنامالارىن جەتىلدىرۋدەگى زاڭ شىعارۋ جۇمىستارىمەن تانىستىر­دى جانە وسى سالاداعى نورماتيۆتىك بازانى قالىپتاستىرۋداعى پىكىرلەسۋ مەن تاجىريبە الماسۋ جايىندا ويلارىن ءبىلدىردى. ج.ارتيۋس قازاقستاننىڭ جەتىس­تىكتەرىن جوعارى باعالادى جانە ەكىجاقتى بايلانىستاردىڭ بارلىق باعىتتارى, ونىڭ ىشىندە پارلا­مەنت­ارالىق  ىنتىماقتاستىقتى تە­رەڭدەتۋگە فرانتسۋز جاعىنىڭ ءازىرلى­گىن مالىمدەدى. “قازاقستان ءوزىنىڭ تابىستارىمەن حالىقارالىق قوعام­داستىق نازارىن اۋدارىپ وتىر”,–دەدى فرانتسيالىق سەناتور,– دەپ حابارلادى  پارلامەنت سەناتىنىڭ ءباسپاسوز قىزمەتى.