«بۇل ەرەجە ماماندار تاراپىنان ءبىر ەمەس, بىرنەشە رەت ايتىلىپ ءجۇر. ارينە, ءبىرىنشى كەزەكتە ادام كوپ جينالاتىن ورىنداردان اۋلاق ءجۇرۋ كەرەك. الەۋمەتتىك قاشىقتىق ساقتاۋ - ينفەكتسيانىڭ تارالۋىنا جول بەرمەۋدىڭ ءتاسىلى. سونداي-اق, قوعامدىق ورىنداردا بەتپەردە كيۋ, دەزينفەكتسيالىق قۇرالداردى قولدانۋ. وسى شارالاردىڭ بارلىعىن ساقتاۋ قاجەت. ءتىپتى مەرەكە كۇندەرى بوساڭسىماۋعا شاقىراتىن ارىپتەستەرىممەن تولىقتاي كەلىسەمىن. سوندىقتان بارىمىزگە شىدامدىلىق تانىتىپ, وسى كەزەڭنىڭ اياقتالۋىن كۇتۋ كەرەك», - دەدى دارىگەر-رەانيماتولوگ.
ودان بولەك دارىگەر سوزىلمالى اۋرۋلارى بار ادامدارعا كارانتين رەجيمىن ساقتاپ, ءوزىن-ءوزى ەمدەۋمەن اينالىسپاۋعا شاقىردى. ەمدى مىندەتتى تۇردە مامان تاعايىنداۋى كەرەك.
«وكىنىشتىسى, پاندەميا كەزىندە ءبىز تانىستارىمىزبەن دوستارىمىزدىڭ دارىگەرگە بارماي, قاتتى اسەر ەتەتىن دارىلەردى, انتيبيوتيكتەردى ءوز بەتىنشە قابىلداي باستاعانىن بايقادىق. مۇنداي شارالار ناتيجەسىز بولادى. سەبەبى ەم جۇرگىزىلمەيدى. الدىن الۋ قورعاۋ رەجيمىن قاراستىرعانمەن, ول انتيبيوتيكتەردى قولدانۋ دەگەن ءسوز ەمەس. جوعارىدا ايتىلعانداردى ەسكەرىپ, مۇنداي ناۋقاستارعا ءوزىنىڭ ەمدەۋشى دارىگەرىنە جۇگىنىپ, قارالۋ كەرەك. دەنساۋلىعىنداعى وزگەرىسكە قاراي دارىگەر ەمگە تۇزەتۋ ەنگىزىپ وتىرادى. قانداي جاعداي بولماسىن, ءوز-ءوزىن ەمدەۋمەن اينالىسۋعا بولمايدى», دەپ تولىقتىردى ءسوزىن ول.
