اباي اللەياسىنىڭ اشىلۋ سالتاناتىنا اۋدان اكىمى ب.وماربەكوۆ, اۋداندىق ءماسليحات حاتشىسى ن.قويباعاروۆ, ارداگەرلەر كەڭەسىنىڭ توراعاسى ءاتىرحان شىڭعىسباەۆ, قازاقستان جازۋشىلار وداعىنىڭ مۇشەسى تەمىرعالي كوپباەۆ جانە ارنايى كەلگەن قوناقتار, زيالى قاۋىم وكىلدەرى مەن جۋرناليستەر قاتىستى. «ەلباسىنىڭ "رۋحاني جاڭعىرۋ" باعدارلاماسى اياسىندا, اقىننىڭ 175 جىلدىق مەرەيتويىنا وراي بوي كوتەرگەن اللەيا مەن اباي ەسكەرتكىشىنىڭ سالتاناتتى جاعدايداعى اشىلۋى تاۋەلسىزدىك مەرەكەسىمەن تۇسپا-تۇس كەلىپ وتىر. ءبىزدىڭ بۇگىنگى بۇل شارامىز ۇلى اباي قۇنانباي ۇلىنىڭ رۋحىنا تاعزىم ەتىپ, ونىڭ مول مۇراسىن دارىپتەۋ. اباي مۇراسى – ءبىزدىڭ ۇلت بولىپ بىرلەسۋىمىزگە, ەل بولىپ دامۋىمىزعا جول اشاتىن قاستەرلى قۇندىلىق»,- دەدى اۋدان اكىمى.
ايتا كەتەلىك, اللەيادا بالالار ءۇشىن ويىن الاڭشالارى مەن سپورتپەن شۇعىلدانۋعا ارنالعان قۇرىلعىلار جانە دەمالۋشىلار وتىراتىن ورىندىقتار ورناتىلعان. ياعني تۇرعىنداردىڭ تىنىعۋىنا, دەنە شىنىقتىرۋى مەن سەرۋەندەۋىنە بارلىق قولايلى جاعداي جاسالعان.
تۇركىستان وبلىسى
