مەملەكەت باسشىسىنىڭ جارلىعىمەن ۇستىمىزدەگى جىلى «بايتەرەك» ۇلتتىق باسقارۋشى حولدينگى» اق قۇرىلعان بولاتىن. حولدينگكە ەكونوميكانى ارتاراپتاندىرۋعا ىقپال ەتۋ, ينۆەستيتسيا تارتۋ, كلاستەرلەردى دامىتۋ, ەنشىلەس كومپانيالاردا كورپوراتيۆتىك باسقارۋ جۇيەسىن جەتىلدىرۋ مىندەتتەرى جۇكتەلگەن.
مەملەكەت باسشىسىنىڭ جارلىعىمەن ۇستىمىزدەگى جىلى «بايتەرەك» ۇلتتىق باسقارۋشى حولدينگى» اق قۇرىلعان بولاتىن. حولدينگكە ەكونوميكانى ارتاراپتاندىرۋعا ىقپال ەتۋ, ينۆەستيتسيا تارتۋ, كلاستەرلەردى دامىتۋ, ەنشىلەس كومپانيالاردا كورپوراتيۆتىك باسقارۋ جۇيەسىن جەتىلدىرۋ مىندەتتەرى جۇكتەلگەن.
جاقىندا «بايتەرەك» ۇلتتىق باسقارۋشى حولدينگىنىڭ دەلەگاتسياسى گەرمانيا فەدەراتيۆتىك رەسپۋبليكاسىنا جۇمىس ساپارىمەن بارىپ قايتتى. ساپار وسى ەلدىڭ يننوۆاتسيالىق تەحنولوگيالاردى دامىتۋ سالاسىنداعى تاجىريبەسىن زەرتتەپ, وسى باعىتتا ارىپتەستىك قارىم-قاتىناستار ورناتۋعا ارنالدى.
ساپار اياسىندا يننوۆاتسيالىق تەحنولوگيالاردى دامىتۋمەن اينالىساتىن مەملەكەتتىك ورگاندار, ىسكەرلىك جانە عىلىمي ورتا وكىلدەرىمەن كەزدەسۋلەر ءوتتى. «بايتەرەك» حولدينگىنىڭ باسقارۋشى ديرەكتورى- باسقارما مۇشەسى قانىش تىلەۋشين باستاعان دەلەگاتسيا گەرمانيانىڭ فەدەرالدىق ەكونوميكا جانە تەحنولوگيالار مينيسترلىگى, نەمىس ورتا كاسىپكەرلەرىنىڭ فەدەرالدىق وداعى, «مەملەكەتتىك-جەكە كاسىپكەرلىك» اق, تومەنگى ساكسونيانىڭ «Innovatives Niedersachsen GmbH» يننوۆاتسيالىق-تەحنولوگيالىق ورتالىعى, گاننوۆەر ۋنيۆەرسيتەتىنىڭ «Unitransfer» تەحنولوگيالار ترانسفەرتتەۋ ورتالىعى, بوننداعى High-Tech Gründerfonds (HTGF) ۆەنچۋرلىق-ينۆەستيتسيالىق كومپانياسىنىڭ وكىلدەرىمەن كەلىسسوزدەر جۇرگىزدى.
كەزدەسۋلەر بارىسىندا ەكى ەلدىڭ يننوۆاتسيالىق جۇيەسىنە جاۋاپتى مەكەمەلەر نەگىزىندە قازاقستان-گەرمانيا تەحنولوگيالىق ءارىپتەستىك ورتالىعىن قۇرۋ ماسەلەسى تالقىلاندى. قازاقستان جاعى مۇنداي ورتالىق جۇمىسىن كەلەسى جىلى ۇيىمداستىرۋعا دايىندىق ءبىلدىرىپ وتىر. «ءبايتەرەك» حولدينگىنىڭ قۇرامىنداعى «تەحنولوگيالىق دامۋ جونىندەگى ۇلتتىق اگەنتتىك» اق جانىندا قازىرگى تاڭدا قازاقستان-كورەيا, قازاقستان-فرانتسيا, قازاقستان-نورۆەگيا, قازاقستان-اقش ەلدەرىمەن بىرلەسكەن تەحنولوگيالىق ارىپتەستىك ورتالىقتارى جۇمىس ىستەيدى. ولاردا قازاقستاندىق وكىلدەر ترانسفەرتتەۋ جونىندەگى اگەنتتەر رەتىندە جۇمىس ىستەپ, تەحنولوگيالار مەن قازاقستاندىق ماماندار ءۇشىن قاجەتتى ترەنينگتىك باعدارلامالار ىزدەستىرۋمەن اينالىسادى, بىرلەسكەن يننوۆاتسيالىق, عىلىمي-زەرتتەۋ جوبالارىنا ۇيىتقى بولادى.
قازاقستان مەن گەرمانيا اراسىنداعى سان تاراپتى قارىم-قاتىناستار عىلىم, يننوۆاتسيا, تەحنولوگيالار سالاسىنداعى ءارىپتەستىكتى دامىتۋعا نەگىز قالاپ وتىر. ەكى ەلدىڭ مينەرالدى رەسۋرستار, يندۋستريا جانە تەحنولوگيالار سالاسىنداعى ارىپتەستىگى قازاقستان مەن گەرمانيا فەدەراتيۆتىك رەسپۋبليكاسى ۇكىمەتتەرى اراسىندا 2012 جىلدىڭ 8 اقپانىندا بەرلين قالاسىندا جاسالعان كەلىسىممەن بەكىتىلگەن. اتالمىش كەلىسىمنىڭ نەگىزگى قاعيداتى – قازاقستان شيكىزاتىن نەمىس تەحنولوگيالارىنا ايىرباستاۋ. قازاقستاندا بىرلەسكەن كاسىپورىندار, نەمىس كومپانيالارى مەن بانكتەرىنىڭ وكىلدىكتەرىن قوسقاندا گەرمان كاپيتالىنىڭ قاتىسۋىمەن 1250 ەكونوميكالىق قۇرىلىم ءتىركەلگەن. نەگىزىنەن ولار وڭدەۋ ونەركاسىبى, قۇرىلىس, كولىك جانە بايلانىس, اۋىل شارۋاشىلىعى, باسقا دا كوممۋنالدىق, الەۋمەتتىك جانە جەكە قىزمەت كورسەتۋ, ەكونوميكانىڭ باسقا دا سالالارىن قامتىپ وتىر. قازاقستاندا «سيمەنس», «دايملەر», «فولكسۆاگەن», «مەترو», «تيسسەنكرۋپ», «مان», «رۆە», «كناۋف», «ەادس», «بايەر», «باسف», «بوش» سىندى كومپانيالار مەن كونتسەرندەردىڭ وكىلدىكتەرى بار.
ساپار بارىسىندا High-Tech Gründerfonds كومپانياسىنىڭ وكىلدەرىمەن بىرلەسىپ ۆەنچۋرلىق قور قۇرۋ, «بايتەرەك» حولدينگى جاساقتاعالى وتىرعان جاڭا تەحنولوگيالار قورىن ينۆەستيتسيالاۋ مۇمكىندىكتەرى تالقىلاندى. قازىرگى تاڭدا «تەحنولوگيالىق دامۋ جونىندەگى ۇلتتىق اگەنتتىك» اق 7 جىل مەرزىمدىك ۇلەس كولەمى 49 پايىزدان اسپايتىن (1 ۆەنچۋرلىق قور ءۇشىن 15,5 ملن. اقش دوللارىنان اسپايدى) ۆەنچۋرلىق قورلارعا قاتىسۋدا. اتالمىش اگەنتتىكتىڭ شەتەلدىك ۆەنچۋرلىق قورلارمەن جۇمىس ىستەۋ تاجىريبەسى دە بار. مىسالى, تەحنولوگيالىق دامۋ جونىندەگى ۇلتتىق اگەنتتىكتىڭ جارعىلىق قورى 150 ملن. ەۋرو بولاتىن Wellington Partners III Technology Fund L.P. ۆەنچۋرلىق قورىنداعى ۇلەسى 7,7 ملن. ەۋرونى قۇرايدى. قازىرگى تاڭدا IT جانە جاڭا تەحنولوگيالار باعىتىندا جۇمىس ىستەيتىن 11 كومپانيا قارجىلاندىرۋدا.
جىلقىباي جاعىپار ۇلى,
«ەگەمەن قازاقستان».
