52 جاستاعى تالعات مارۋا ۇلى – پاۆلودار فۋتبول مەكتەبىنىڭ تۇلەگى. سپورتتىق كارەراسىندا ول كسرو جانە قازاقستان كلۋبتارىندا دوپ تەۋىپ, 2003 جىلى باپكەرلىك قىزمەتىن باستادى. ءسويتىپ ءار جىلدارى پەتروپاۆلدىڭ «ەسىل-بوگاتىر», پاۆلوداردىڭ «اقسۋ», «ەرتىس», ورالدىڭ «اقجايىق» فۋتبول كلۋبتارىندا جۇمىس ىستەدى. 2010 جىلى «ەرتىس» كلۋبىمەن قازاقستان چەمپيوناتىنىڭ قولا, 2012 جىلى كۇمىس جۇلدەگەرى اتاندى. سونداي-اق 2015 جىلى «اقجايىق» كومانداسىمەن ءبىرىنشى ليگانىڭ باس جۇلدەسىن جەڭىپ العان.
تالعات بايسۋفينوۆ بۇعان دەيىن دە, ياعني 2016-2017 جىلدارى ۇلتتىق قۇرامانى باسقارىپ, 2018 جىلعى الەم چەمپيوناتىنىڭ ىرىكتەۋ كەزەڭىنە قاتىسقان بولاتىن. وسى ۋاقىت ارالىعىندا ول 8 ويىن وتكىزىپ, ەكى رەت جەڭىسكە جەتىپ, 3 مارتە تەڭ تۇسكەن. ءۇش ماتچ جەڭىلىسپەن اياقتالعان. بايسۋفينوۆ ۇلتتىق قۇرامانى باسقارعان كەزدە قازاقستان فيفا رەيتينگىندە 83-ورىنعا دەيىن كوتەرىلگەن بولاتىن. كەلەسى كوكتەمدە قازاقستان قۇراماسى 2022 جىلعى الەم چەمپيوناتىنىڭ ىرىكتەۋ ءتۋرنيرىن باستايدى.
