بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسى مەملەكەتتىك كىرىستەر دەپارتامەنتى باسشىسىنىڭ ورىنباسارى ورىنكۇل قازيەۆا مەن الماتى قالاسى ادىلەت دەپارتامەنتى باسشىسىنىڭ ورىنباسارى جاڭاباي اعمانوۆ ءمالىم ەتتى.
مكد دەرەكتەرى بويىنشا, الماتىدا ءوسىمپۇلدى ەسەپتەن شىعارۋداعى اكتسيانىڭ باسىندا بورىشكەرلەردىڭ سانى 192 مىڭ جەكە تۇلعانى قۇرادى, وندا 6,5 ملرد.تەڭگەدەن استام بەرەشەك بولعان. ونىڭ ىشىندە نەگىزگى بورىش سوماسى - 5,4 ملرد تەڭگە جانە ءوسىمپۇل سوماسى - 1,1 ملرد تەڭگە.
«بۇگىنگى تاڭدا الماتى قالاسى بويىنشا راقىمشىلىقتى 84 511 سالىق تولەۋشى پايدالاندى, وندا 209,2 ملن تەڭگە سوماعا ءوسىمپۇل ەسەپتەن شىعارىلدى جانە نەگىزگى بورىشتىڭ وتەلگەن سوماسى 1,9 ملرد تەڭگەنى قۇرايدى. بۇل رەتتە ءوسىمپۇلدى ەسەپتەن شىعارۋ اۆتوماتتى تۇردە جۇرگىزىلەدى, قارىزدىڭ نەگىزگى سوماسىن عانا تولەۋ جەتكىلىكتى» - دەپ حابارلادى قازيەۆا.
جەكە تۇلعالارعا 2020 جىلعى 1 ساۋىردەگى جاعداي بويىنشا سالىق تولەۋشىلەردىڭ دەربەس شوتتارىندا ەسەپتەلەتىن م ۇلىك سالىعى, جەر سالىعى جانە كولىك قۇرالدارى سالىعى بويىنشا بەرەسى 2020 جىلعى 31 جەلتوقسانعا دەيىن تولەنگەن جاعدايدا ءوسىمپۇلداردى ەسەپتەن شىعارادى. بۇل رەتتە ءوسىمپۇل بەرەسى تولەنگەن سالىق ءتۇرى بويىنشا عانا ەسەپتەن شىعارىلادى.
بۇل نورما مۇنداي ادامداردىڭ سالىق مىندەتتەمەلەرى كاسىپكەرلىك قىزمەتتى, جەكەشە نوتاريۋستىڭ, جەكە سوت ورىنداۋشىسىنىڭ, ادۆوكاتتىڭ نەمەسە كاسىبي مەدياتوردىڭ قىزمەتىن جۇزەگە اسىرۋمەن بايلانىستى ەمەس جاعدايلاردى قوسپاعاندا, دارا كاسىپكەر رەتىندە تىركەۋ ەسەبىندە تۇرعان ادامدارعا جانە جەكە پراكتيكامەن اينالىساتىن ادامدارعا قولدانىلمايدى.
جاڭاباي اعمانوۆ سالىق ورگاندارىنا ورىندالماعان سالىق بۇيرىقتارى بويىنشا جانە جەكە تۇلعالاردان بەرەشەكتى ءوندىرىپ الۋ جونىندەگى دەرەكتەر كەلىپ تۇسەتىنىن اتاپ ءوتتى. ءوز تاراپىنان سوت ورىنداۋشىلارى ماجبۇرلەپ اتقارۋشىلىق ءىس جۇرگىزۋدى قوزعايدى – بۇل شوتتارعا تىيىم سالۋ, جىلجىمالى جانە جىلجىمايتىن م ۇلىككە تىيىم سالۋ, سونداي-اق م ۇلىكتى الىپ قويۋ.
«اتقارۋشىلىق ءىس جۇرگىزۋ قوزعالعاننان كەيىن ءبىز سوتتىلىق جونىندەگى حابارلامادا بۇل سالىقتىق راقىمشىلىق كورسەتىلمەۋى ءۇشىن ايىپپۇلداردى ەرىكتى تۇردە تولەۋدى ۇسىنامىز. ارينە, بىزگە كەلىپ تۇسەتىن سالىق بۇيرىقتارى وسىمپۇلدارمەن بىرگە كەلەدى. سوندىقتان حابارلامالاردا سالىقتىق راقىمشىلىق جۇرگىزۋ مەرزىمدەرىن تۇسىندىرەمىز», دەدى اعمانوۆ.
حابارلامالار بويىنشا سۇراقتار تۋىنداعان جاعدايدا تۇرعىندار الماتى قالاسى ادىلەت دەپارتامەنتىنىڭ call-ورتالىعىنا 8 (727) 291 85 26, 8 707 615 13 95 نومىرلەرى بويىنشا حابارلاسا الادى.
