تۇرعىن ءۇي قۇرىلىس جيناق بانكى باسقارما توراعاسى ءلاززات يبراگيموۆانىڭ ايتۋىنشا, ەگەر تۇقجب زەينەتاقى جيناعىن پايدالانۋ بويىنشا بىرىڭعاي وپەراتور بولىپ بەكىتىلگەن جاعدايدا بانك زەينەتاقى تولەمدەرىن تىركەۋ جانە اۋدارۋ بويىنشا بارلىق وپەراتسيالار كوميسسياسىن ازاماتتاردان الماۋدى جوسپارلاپ وتىر.
«تاۋەلسىزدىك كۇنى قارساڭىندا ءبىز بارشا ازاماتتاردى قۋانتقىمىز كەلەدى. تۇقجب زەينەتاقى جيناعى سالىناتىن ارنايى شوتتى اشۋ جانە جۇرگىزۋ بويىنشا, زەينەتاقى تولەمدەرىن ماقساتتى تاعايىنداۋعا قاتىستى اۋدارىمدار بويىنشا بارلىق كوميسسيالاردىڭ كۇشىن جويۋدى جوسپارلاپ وتىر. سونداي-اق بانك بجزق-دان بىرجولعى زەينەتاقى تولەمدەرىن الۋ جانە قابىلداۋ بويىنشا كورسەتىلەتىن اگەنتتىك قىزمەت ءۇشىن دە كوميسسيا ۇستامايدى», دەيدى يبراگيموۆا.
ءباسپاسوز قىزمەتىنىڭ حابارلاۋىنشا, 2021 جىلدىڭ باسىندا جوسپار بويىنشا وتىنىشتەردى قابىلدايتىن ونلاين-سەرۆيس قازاقستاندىقتار ءۇشىن قولجەتىمدى بولادى. پورتالدا ازاماتتار ەتسق كومەگىمەن اۆتوريزاتسيادان ءوتىپ, زەينەتاقى جيناعىنداعى قاراجاتتى پايدالانۋ مۇمكىندىگىنە يە بولادى.
ءبىرىنشى قىركۇيەك كۇنى جاساعان جولداۋىندا پرەزيدەنت قاسىم-جومارت توقاەۆ 700 مىڭ ازاماتتىڭ بجزق-داعى زەينەتاقى قاراجاتىنىڭ ءبىر بولىگىن الىپ, ونى ەمدەلۋگە, باسپانا الۋعا جۇمسايتىن مۇمكىندىككە يە بولاتىنىن ايتقان ەدى.
