بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالالىق قوعامدىق دەنساۋلىق ساقتاۋ باسقارماسىنىڭ شتاتتان تىس باس انەستەزيولوگ-رەانيماتولوگى تىلەۋبەردى قۋاندىقوۆ ايتتى.
«الماتىدا جاڭا دەرتپەن كۇرەسۋدە تەڭدەسى جوق شارالار قابىلداندى. از ۋاقىتتىڭ ىشىندە 15 ينفەكتسيالىق ستاتسيونار, سونىڭ ىشىندە ينفەكتسيالىق ەمەس كلينيكالاردىڭ بازاسىندا اشىلدى. اتالعان ستتسيونارلاردىڭ رەانيماتسيا بولىمدەرىندە كۇن سايىن اۋىر جاعدايداعى 160 ناۋقاس جاتتى. قالانىڭ دەنساۋلىق ساقتاۋ سالاسىنا قانشالىقتى ۇلكەن جۇك ارتىلعانىن ەلەستەتە بەرۋگە بولادى. پاندەميا قاتتى ورشىگەن كەزدە جاعدايىلارى اۋىر ناۋقاستارعا ءتيىمدى ەم جاساۋ ءۇشىن بارلىق ستاتسيونارلاردىڭ جۇمىسىن بىرىكتىرەتىن قۇرىلىم قۇرۋ تۋرالى شەشىم قابىلداندى. وسى ماقساتقا جەتۋ ءۇشىن ءبىز ورتالىق قۇردىق, ونىڭ ماقساتى جانساقتاۋ بولىمدەرىندەگى ناۋقاستاردى ەمدەۋ ساپاسىن ارتتىرۋ ءۇشىن بارلىق ينفەكتسيالىق ستاتسيونارلاردىڭ جۇمىسىن ۇيلەستىرۋ بولدى», - دەدى دارىگەر.
قۇرىلعان انەستەزيولوگيا جانە رەانيماتولوگيا ورتالىعىنىڭ قۇرامىنا وسى سالاداعى قالانىڭ ۇزدىك ماماندارى كىردى. جۇمىستىڭ ءمانى كوروناۆيرۋس ينفەكتسياسى بار اۋىر ناۋقاستارعا قارقىندى تەراپيا كورسەتەتىن دارىگەرلەرگە كەڭەس بەرۋ, ادىستەمەلىك جانە پراكتيكالىق كومەك كورسەتۋ بولدى. ول ءۇشىن وسى ورتالىقتىڭ ماماندارى كۇن سايىن سول جۇقپالى اۋرۋلار ستاتسيونارلارىنا بارىپ, سول جەردە رەانيماتولوگتارعا كومەك كورسەتەدى.
پراكتيكالىق كومەك كورسەتۋدەن باسقا, بريگادالاردىڭ دارىگەرلەرى اۋىر ناۋقاستارعا كەڭەس بەردى. قاجەت بولعان جاعدايدا بۇل جۇمىسقا جەتەكشى پروفەسسورلاردى تارتىپ, ءتۇرلى ونلاين پلاتفورمالاردى پايدالانا وتىرىپ كونسيليۋمدار جۇرگىزدى. وسى كەزەڭدە ماماندار بريگاداسىنىڭ شاقىرتۋلار بويىنشا 2 مىڭنان استام رەت بارىپ, اۋىر ناۋقاستارعا ارنالعان 5 مىڭنان استام كونسۋلتاتسيا جۇرگىزىپ, بەينە بايلانىس جانە «ورنىندا» 100-گە جۋىق كونسيليۋمدار جۇزەگە اسىرىلدى.
ء«بىز رەانيماتولوگيا ورتالىعىن شىلدەنىڭ ءبىرىنشى جارتىسىندا قۇردىق جانە ونىڭ جۇمىسىنىڭ ناتيجەسىن پنەۆمونيادان ءولىم ازايا باستاعان كەزدە, بىرنەشە كۇننەن كەيىن الدىق. ءبىرىنشى اپتانىڭ ىشىندە ول بىرنەشە ەسە ازايدى. جاقسارىپ, ۇيىنە شىعارىلىپ جاتقان ناۋقاستار كوبەيدى. ءبىز دەنساۋلىق ساقتاۋ مينيسترلىگى ۇنەمى وتكىزەتىن رەسپۋبليكالىق كونفەرەنتسيا-سەمينارلاردا انەستەزيولوگيا جانە رەانيماتولوگيا قىزمەتىنىڭ جۇمىسىن ۇيىمداستىرۋ تاجىريبەسىن رەسپۋبليكامىزدىڭ بارلىق وڭىرلەرىمەن بولىستىك», - دەيدى تىلەۋبەردى قۋاندىقوۆ. سپيكەر پاندەميا كەزىندەگى ءتيىمدى شارالاردىڭ ءبىرى رەتىندە كوروناۆيرۋستىق ينفەكتسيانى, ونىڭ ىشىندە قارقىندى ەمدەۋ حاتتاماسىن ازىرلەۋدى اتاپ ءوتتى.
