ايماق باسشىسى قۇتقارۋشىلارعا «كاماز» جانە «ۋرال» زاۋىتتارىنان شىققان جاڭا اۆتوتسيستەرنا, اۆتوساتى جانە اۆتوكران كولىكتەرىنىڭ كىلتتەرىن تابىس ەتتى. سونداي-اق, قۇتقارۋ قىزمەتىنىڭ اۆتوپاركى جولاۋشىلار اۆتوبۋسى, 2 اپاتتىق-قۇتقارۋ كولىگى جانە باتپاقتى-سازدى جەردەن ىركىلمەي وتە شىعاتىن جول تالعامايتىن 2 ارنايى اۆتوكولىكپەن تولىقتى. مۇنداي قۋاتتى تەحنيكالار قولايسىز اۋا رايى جاعدايىندا, سونداي-اق جولسىز جەردە اپاتتىق-قۇتقارۋ جۇمىستارىن جۇرگىزۋدى جەڭىلدەتەدى.
ال 50 مەترلىك ساتىسى بار جاڭا ال-50 اۆتوكولىكتەرى قۇتقارۋشىلاردىڭ 17-18 قاباتتى عيماراتتارعا جەدەل كوتەرىلۋىنە مۇمكىندىك بەرەدى.
مۇنىڭ سىرتىندا, قۇتقارۋشىلارعا اپاتتى جاعدايدا پايدالانىلاتىن جاڭا قۇتقارۋ قۇرالدارىنىڭ جيىنتىعى, پيلوتسىز ۇشاتىن قۇرىلعىلار, سونداي-اق ءبىرىنشى دەڭگەيدەگى قورعانىش ساپاسى بار 170 ءورت ءسوندىرۋشى كيىمى بەرىلدى.
ءوڭىردىڭ قۇتقارۋ قىزمەتتەرىن قاجەتتى قۇرالدارمەن قامتاماسىز ەتۋ ءالى دە جالعاساتىنىن ايتقان ارحيمەد مۇحامبەتوۆ: «بۇگىن تاپسىرىلعان جاڭا ءارى قۋاتتى تەحنيكالار سىزدەرگە ءتۇرلى توتەنشە جاعدايدا تۇرعىنداردى قۇتقارۋعا كومەكتەسەدى», - دەدى ارحيمەد مۇحامبەتوۆ.
