«ەگەر پاندەميانىڭ باسىندا پنەۆمونيامەن اۋىراتىن «رەانيماتسيالىق» ناۋقاستاردىڭ كوبى جاستار بولسا, بۇگىنگى تاڭدا رەانيماتسياعا كۆي-مەن كەلەتىن ناۋقاستار – جۇرەك جەتكىلىكسىزدىگى, تىنىس الۋ جەتكىلىكسىزدىگى, بۇيرەك جەتكىلىكسىزدىگى جانە ينسۋلت سياقتى كوپتەگەن سوزىلمالى اۋرۋلارى بار, 65 جاستان اسقان پاتسيەنتتەر. مىنانداي جاعدايلاردا كەزدەسەدى, مىسالى, ناۋقاس بۇرىننان بار اۋىر اۋرۋىمەن كلينيكاعا تۇسەدى, ال ونى تەكسەرگەن كەزدە COVID-19 ينفەكتسياسى كەزدەيسوق انىقتالادى», دەپ ءبولىستى رەانيماتولوگ.
ونىڭ ايتۋىنشا, رەانيماتسيا بولىمىنە تۇسەتىن ناۋقاستاردىڭ جارتىسىنان كوبى ۇيلەرىنەن «جەدەل جاردەم» كولىگىمەن جەتكىزىلەدى, جانە كوبىنىڭ جاعدايى اسا اۋىر بولادى.
ء«بىز تىكەلەي «ۇيلەرىنەن» اسا اۋىر جاعدايدا تۇسەتىن ناۋقاستاردىڭ جارتىسىنان كوبىنىڭ اۋرۋحاناعا كەلگەنگە دەيىن ءوز بەتىنشە ەمدەلىپ, دارىگەرگە مۇلدە جۇگىنبەگەندەرىن انىقتادىق», دەدى قۋاندىقوۆ.
سونىمەن بىرگە ول رەانيماتسيا بولىمدەرىندەگى ناۋقاستاردىڭ ورتا ەسەپپەن 15-20%-ىنىڭ جاعدايلارى اۋىر جانە تۇراقسىز بولاتىنىن, ونىڭ ىشىندە ولىممەن اياقتالاتىن جاعدايلار دا بايقالاتىنىن اتاپ ءوتتى.
«بۇگىنگى تاڭدا ءولىم-ءجىتىم ايتارلىقتاي تومەندەدى جانە ەڭ تومەنگى كورسەتكىشتەردى كورسەتىپ تۇر. بۇگىنگى كۇنى ءبىز «جوعالتىپ وتىرعان» ناۋقاستار – بۇل كوپتەگەن اۋرۋلارمەن قاتار اۋىرىپ, تەڭگەرىلمەگەن كۇيدە جۇرەتىن ناۋقاستار. ولارعا جۇرەك اۋرۋلارى بار; قانت ديابەتى; باۋىر تسيرروزى; حيميوتەراپيادان بىرنەشە رەت وتكەن ونكولوگيالىق ناۋقاستار; يممۋندىق تاپشىلىعى بار ناۋقاستار جاتادى. نەگىزىنەن, قايتىس بولعان ناۋقاستار قارتتار, جاستارى كارى جانە ۇزاق ءومىر سۇرەتىن ادامدار. سوڭعى ايلاردا قايتىس بولعان جاس جانە ورتا جاستاعى ناۋقاستاردىڭ سانى مەن ۇلەسى كۇرت تومەندەدى. مۇنى وڭ ترەند رەتىندە اتاپ وتۋگە بولادى» دەيدى سپيكەر.
ول ءبىزدىڭ قالامىزدا كوروناۆيرۋستىق ينفەكتسيانىڭ تارالۋى مەن ونى ەمدەۋ ناتيجەلەرى بويىنشا ەڭ قولايسىز كەزەڭ ماۋسىم ايىنىڭ سوڭىنان شىلدە ايىنا دەيىنگى ۋاقىت بولعانىن ەسكە سالدى. سول كەزەڭدە تىركەلگەن ناۋقاستار, ونىڭ ىشىندە اۋىر ناۋقاستار كوپ بولدى.
