«ادال ءبىلىم» ءاۋديتى وتكىزىلىپ جاتىر. وسى ءاۋديتتى كەلەسى جىلدىڭ اقپان ايىنىڭ سوڭىنا دەيىن اياقتاۋ قاجەت. ودان كەيىن ءتيىستى جوسپار بەكىتەتىن بولامىز. بۇل وتە ماڭىزدى ماسەلە. ەكىنشىدەن, جوعارى وقۋ ورنىندا جەمقورلىق فاكتىلەرىنە جول بەرمەۋ قاجەت. بۇل ماسەلەنى تۇبەگەيلى جويۋعا بولادى. ءبىراز ۋنيۆەرسيتەت ونى بۇگىن جويدى دەپ ايتا الامىز. جالپى, وسى ماسەلەدەن مۇلدەم اۋلاق جۇرگەن كەيبىر ۋنيۆەرسيتەت بار. دەمەك, ۋنيۆەرسيتەتتىڭ باسشىسى قالاسا, مۇنداي پروبلەمانى جويۋعا بولادى دەگەن ءسوز. ياعني, بۇل سول وقۋ ورنىندا قابىلدانعان ساياساتقا بايلانىستى. ەگەر كەيبىر ۋنيۆەرسيتەت بۇل ماسەلەنى جويسا, باسقا ۋنيۆەرسيتەتتەردىڭ قولىنان بۇل ءالى كەلمەي وتىرسا, وندا «نەگە؟» دەگەن ساۋال پايدا بولادى», دەدى اسحات ايماعامبەتوۆ
مينيستر جەمقورلىق فاكتىلەرى انىقتالعان ۋنيۆەرسيتەتتەرگە قاتىستى ۇسىنىس بولعانىن اتاپ ءوتتى.
ء«تيىستى باعىت بويىنشا ەڭ الدىمەن ليتسەنزيانى توقتاتۋ, ودان كەيىن تاعى دا قايتالانعان جاعدايدا ليتسەنزيانى قايتارۋ بويىنشا نورمانى زەرتتەۋ كەرەك. ەگەر زاڭ جۇزىندە ورىندالاتىن جانە زەرتتەۋ ناتيجەسىندە دۇرىس شەشىم بولسا, ءبىز مۇنداي نورمانى قابىلداۋعا دايىنبىز», دەيدى مينيستر.
ۆەدومسۆتو باسشىسىنىڭ ايتۋىنشا, جوعارى وقۋ ورىندارىنداعى جەمقورلىقتى جويۋ ءبىراز ۋاقىتتان بەرى ايتىلىپ تا, قاداعالانىپ تا ءجۇر. دەگەنمەن, وزەكتى ماسەلەلەردىڭ شەشىلمەي كەلە جاتقانىن دا باسا ايتتى. سول سەبەپتى ءتيىستى باعىتتار ورىندالماعان جاعدايدا, ءبىلىم وردالارى ليتسەنزياسىنان ايىرىلادى.
