ءىس-شاراعا قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ, الماتى وبلىسىنىڭ جاستار ساياساتى ماسەلەلەرى جونىندەگى باسقارما باسشىسى ساپاروۆ ەلدار, رەسپۋبليكالىق «جاسىل ەل» شتابىنىڭ باسشىسى دانيار ازامات, رەسپۋبليكالىق جاستار ۇيىمدارىنىڭ كوشباسشىلارى, وڭىرلىك دەلەگاتتارى, «جاسىل ەل» ەڭبەك جاساقتارىنىڭ بەلسەندىلەرى قاتىستى.
جاستار جانە وتباسى ىستەرى كوميتەتىنىڭ توراعاسى اقپارات جانە قوعامدىق دامۋ ءمينيسترى ايدا بالاەۆانىڭ «جاسىل ەل» رەسپۋبليكالىق شتابىنا جولداعان العىس حاتىن وقىدى.
ءىس-شارا بارىسىندا, بيىل ەلباسى نۇرسۇلتان نازارباەۆتىڭ «جاسىل ەل» جاستار ەڭبەك جاساقتارىن قۇرۋ جونىندەگى باستاماسىنا 15 جىل تولىپ وتىرعانى ايتىلدى.
جيىن بارىسىندا ۇزدىك شتاب, «جاسىل ەل» جاستار ەڭبەك جاساقتارىنىڭ بەلسەندى ساربازدارى, قوزعالىستىڭ ەڭ بەلسەندى قاتىسۋشىلارى اقپارات جانە قوعامدىق دامۋ مينيسترلىگىنىڭ اتىنان العىس حاتتارمەن ماراپاتتالدى.
ءسويتىپ «جاسىل ەل» جوباسىنىڭ ارقاسىندا, 2020 جىلدىڭ وزىندە قازاقستاننىڭ بارلىق وڭىرلەرىنەن 11 مىڭنان استام جاستار ماۋسىمدىق جۇمىسپەن قامتىلدى.
ايتا كەتسەك, 15 جىل ىشىندە 300 مىڭنان استام جاستار «جاسىل ەل» جوباسىنا, ياعني ماۋسىمدىق جۇمىستارعا تارتىلدى. «جاسىل ەل» جوباسى بۇكىل قازاقستان بويىنشا جاستار ەڭبەك جاساقتارىنا 40 ميلليوننان استام اعاش وتىرعىزۋعا, ساياباقتاردى, الاڭداردى, اۋلالاردى اباتتاندىرۋعا مۇمكىندىك بەردى, سول ارقىلى جاس قازاقستاندىقتار ەلدى مەكەندەردى كوگالداندىرۋعا ۇلكەن ۇلەس قوستى.
«جاسىل ەل» رەسپۋبليكالىق شتابى جالپى مەملەكەتتىك جاستار قوزعالىسىنا اينالدى, بەلسەندى جاستاردى بىرىكتىرىپ, ولاردى ەڭبەككە باۋلىدى, پاتريوتيزم سەزىمىن ۇيالاتىپ, ومىرلىك ماڭىزدى الەۋمەتتىك داعدىلاردىڭ دامۋىنا ىقپال ەتتى, ال ەڭ بەلسەندىلەرى ءۇشىن – تابىستى كاسىبي مانساپتى قۇرۋداعى الەۋمەتتىك ليفت بولدى.
«جاسىل ەل» جوباسىنىڭ باستى ماقساتتارىنىڭ ءبىرى قازاقستاندىق جاستاردا ەكولوگيالىق دۇنيەتانىمدى, مادەنيەتتى, تابيعات پەن قورشاعان ورتاعا جاۋاپكەرشىلىكپەن قاراۋدى قالىپتاستىرۋ بولىپ تابىلادى.
مەملەكەت باسشىسى ق.ك. توقاەۆ ءوزىنىڭ 2020 جىلعى 1 قىركۇيەكتەگى قازاقستان حالقىنا جولداۋىندا اتاپ وتكەندەي, «قورشاعان ورتانى قورعاۋ جانە ەكولوگيالىق دامۋ - ءبىزدىڭ ەلىمىز ءۇشىن ءبىرىنشى كەزەكتەگى ماسەلەلەر, بۇل ءبىزدىڭ ماڭىزدى جانە نەگىزگى مىندەتىمىز. بۇكىل وركەنيەتتى الەم جۇرتشىلىعى وسى ماسەلەمەن اينالىسۋدا. بىزگە دە مۇنداي جاپپاي ۇردىستەن شەت قالۋعا بولمايدى».
2021 جىلى قازاقستان رەسپۋبليكاسى اقپارات جانە قوعامدىق دامۋ مينيسترلىگى «جاسىل ەل» رەسپۋبليكالىق شتابىمەن بىرلەسىپ, جاستار اراسىندا ەكولوگيالىق مادەنيەتتى قالىپتاستىرۋعا باعىتتالعان جوبالاردى ىسكە اسىرۋدى جوسپارلاپ وتىر.
