2013 جىلعى 14 تامىز, استانا قالاسى
«ستاندارتتاۋ جونىندەگى تەحنيكالىق كوميتەتتەردىڭ قۇرىلۋ, جۇمىس ىستەۋ جانە تاراتىلۋ ەرەجەسىن بەكiتۋ تۋرالى» قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ مىندەتىن اتقارۋشىنىڭ 2010 جىلعى 23 ساۋىردەگى №42 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«تەحنيكالىق رەتتەۋ تۋرالى» قازاقستان رەسپۋبليكاسى زاڭىنىڭ 11-بابىنا سايكەس بۇيىرامىن:
1. «ستاندارتتاۋ جونىندەگى تەحنيكالىق كوميتەتتەردىڭ قۇرىلۋ, جۇمىس ىستەۋ جانە تاراتىلۋ ەرەجەسىن بەكىتۋ تۋرالى» قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ مىندەتىن اتقارۋشىنىڭ 2010 جىلعى 23 ساۋىردەگى № 42 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىنە № 6276 تىركەلگەن, 2010 جىلعى 4 قىركۇيەكتەگى № 233 (26294) «كازاحستانسكايا پراۆدا», 2010 جىلعى 28 تامىزداعى № 351-352 (26195) «ەگەمەن قازاقستان» گازەتتەرىندە جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن ستاندارتتاۋ جونىندەگى تەحنيكالىق كوميتەتتەردىڭ قۇرىلۋ, جۇمىس ىستەۋ جانە تاراتىلۋ ەرەجەسىندە:
3-تارماق مىناداي رەداكتسيادا جازىلسىن:
«3. تك مەملەكەتتىك ورگانداردىڭ, عىلىمي-زەرتتەۋ, جوبالىق-قۇراستىرىلىمدىق جانە تەحنولوگيالىق ينستيتۋتتاردىڭ, قۇراستىرىلىمدىق بيۋرولاردىڭ جانە ۇيىمداردىڭ, وندىرۋشىلەر مەن تۇتىنۋشىلاردىڭ, قاۋىمداستىقتاردىڭ (ولار تك قىزمەتى سالاسىندا قۇرىلعان جاعدايدا), سونداي باسقا مۇددەلى تاراپتاردىڭ وكىلدەرىنەن تۇرادى.»;
مىناداي مازمۇنداعى 4-1-تارماقپەن تولىقتىرىلسىن:
«4-1. تك قۇرامى مۇددەلى تاراپتاردىڭ وكىلدەرىنىڭ تەڭ سانىن ەسەپكە الا وتىرىپ قۇرىلادى.»;
10-تارماق مىناداي رەداكتسيادا جازىلسىن:
«وسى ەرەجەنىڭ 3-تارماعىندا كورسەتىلگەن تك مۇشەلەرى تك توراعاسىنىڭ كەلىسىمىمەن ۋاكىلەتتى ورگانعا بەرىلگەن جازباشا ءوتىنىش نەگىزىندە تك قۇرامىنا كىرەدى جانە قۇرامىنان شىعادى. ءوتىنىشتى قاراستىرۋ مەرزىمى بەرىلگەن كۇننەن باستاپ ءبىر ايدان اسپاۋى كەرەك.»;
مىناداي مازمۇنداعى 10-1-تارماقپەن تولىقتىرىلسىن:
«10-1. تك قىزمەتىنە 2 جىل بويى قاتىسپاعان تك مۇشەلەرى تك قۇرامىنان شىعارىلادى جانە ۋاكىلەتتى وكىلدەردىڭ – تك مۇشەلەرى وتىرىسىنىڭ حاتتاماسى نەگىزىندە ۋاكىلەتتى ورگاننىڭ شەشىمى بويىنشا باسقا مۇددەلى وكىلدەرمەن اۋىستىرىلادى.»;
19-تارماق مىناداي رەداكتسيادا جازىلسىن:
«19. بازاسىندا تك بار زاڭدى تۇلعانى قايتا ۇيىمداستىرۋ كەزىندە, تك مۇشەلەرىنىڭ بايلانىس دەرەكتەرى وزگەرگەن جاعدايدا, حاتشىلىق اقپاراتتى قايتا ۇيىمداستىرىلعان كۇننەن باستاپ نەمەسە وسىنداي وزگەرىستەر تۇسكەن كۇننەن باستاپ 30 كۇنتىزبەلىك كۇن ىشىندە ۋاكىلەتتى ورگانعا جىبەرەدى.»;
24, 25-تارماقتار مىناداي رەداكتسيادا جازىلسىن:
«24. تك جۇمىسى وتاندىق ءونىمنىڭ ىشكى جانە سىرتقى نارىقتاردا باسەكەگە قابىلەتتىلىگىن قامتاماسىز ەتۋ ءۇشىن, سونداي-اق شەتەل مەملەكەتتەرىمەن ونىمدەرمەن (تەحنولوگيالارمەن, كورسەتىلەتىن قىزمەتتەرمەن) ساۋدا ماقساتىندا الماسۋ كەزىندە تەحنيكالىق كەدەرگىلەردى جويۋ ءۇشىن ۇلتتىق ستاندارتتاردىڭ ساپالىق دەڭگەيىن كوتەرۋگە, ولاردى حالىقارالىق ستاندارتتارمەن ۇيلەستىرۋگە باعىتتالعان.
25. مەملەكەتتىك ستاندارتتاۋ سالاسىندا تك مىناداي فۋنكتسيالاردى ۇيىمداستىرىپ, جۇزەگە اسىرادى:
1) بەكىتىلگەن وبەكتىلەر بويىنشا جانە قىزمەت باعىتتارى بويىنشا مەملەكەتتىك تەحنيكالىق رەتتەۋ جۇيەسىن دامىتۋدىڭ نەگىزگى باعىتتارىن انىقتاۋ جونىندە ۇسىنىستار ازىرلەۋ;
2) تەحنيكالىق رەتتەۋ سالاسىنداعى زاڭناماعا سايكەس ۇلتتىق ستاندارتتاردى جانە تەحنيكالىق-ەكونوميكالىق اقپارات جىكتەۋىشتەرىن, شەتەل مەملەكەتتەرىنىڭ حالىقارالىق, وڭىرلىك, ۇلتتىق ستاندارتتارىن جانە تەحنيكالىق-ەكونوميكالىق اقپارات جىكتەۋىشتەرىن جانە ولار ەنگىزىلەتىن وزگەرىستەردى ازىرلەۋگە جانە ساراپتاۋعا قاتىسۋ;
3) تەحنيكالىق رەگلامەنتتەردى جانە ۇلتتىق ستاندارتتاردى ازىرلەۋ بويىنشا ۇسىنىستار ازىرلەۋ;
4) مەملەكەتتىك ستاندارتتاۋ بويىنشا جىل سايىنعى جۇمىس جوسپارلارى مەن باعدارلامالارىنا ۇسىنىستار ازىرلەۋ.»;
30, 31-تارماقتار مىناداي رەداكتسيادا جازىلسىن:
«30. يسو/تك نەمەسە حەك/تك, تك-ءنىڭ ءوزارا ارەكەتى بويىنشا جۇمىستاردى جۇرگىزۋ ءۇشىن تك شتاتىندا يسو/تك نەمەسە حەك/تك حاتشىلىعىنان تۇسەتىن ستاندارتتاردىڭ جوبالارىن اۋدارۋ ءۇشىن يسو نەمەسە حەك ستاندارتتاۋ جونىندەگى حالىقارالىق ۇيىمداردىڭ رەسمي تىلىنە سايكەس كەلەتىن شەتەل ءتىلىن بىلەتىن مامان بولۋى قاجەت.
31. ۋاكىلەتتى ورگان حالىقارالىق جانە مەملەكەتارالىق تك-مەن حات جازىسۋدى جۇزەگە اسىرادى جانە يسو نەمەسە حەك ستاندارتتاۋ جونىندەگى حالىقارالىق ۇيىمداردىڭ رەسمي تىلىنە سايكەس كەلەتىن شەتەل تىلىندەگى ستاندارتتاردىڭ جوبالارىن تك-عا قاراۋعا جىبەرەدى.»;
32-تارماقتىڭ 1) تارماقشاسى مىناداي رەداكتسيادا جازىلسىن:
«1) پىكىر جيناۋعا جىبەرىلگەن ستاندارتتاردىڭ جوبالارىن قاراستىرادى, جانە ۇسىنىستار مەن ەسكەرتۋلەردى ۋاكىلەتتى ورگانعا قايتارۋسىز ۇسىنادى;»;
33- تارماق مىناداي رەداكتسيادا جازىلسىن:
«تك مىناداي جاعدايلاردا تاراتىلادى:
1) وسى ەرەجەنىڭ 3-تاراۋىندا كورسەتىلگەن فۋنكتسيالاردى ورىنداماعان كەزدە;
2) ەگەر تك قۇرۋدى جۇزەگە اسىرۋ ءۇشىن بارلىق جۇمىستار ورىندالعان بولسا;
3) تك باستاماسى بويىنشا;
4) تك قىزمەتى تۋرالى ەسەپتەردى 2 جىل بويى ۇسىنباعان كەزدە.».
2. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتى (ر.ا. ساتباەۆ) زاڭنامادا بەلگىلەنگەن تارتىپتە وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ يندۋستريا جانە
جاڭا تەحنولوگيالار ءمينيسترىنىڭ مىندەتىن اتقارۋشى ا.راۋ.
––––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 27 تامىزدا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8650 بولىپ ەنگىزىلدى.
