كەزدەسۋ بارىسىندا سىبايلاس جەمقورلىققا قارسى كۇرەس ۆەدومستۆوسىنىڭ باسشىسى سۇحباتتاسۋشىنى سىبايلاس جەمقورلىققا قارسى ساياساتتىڭ سوڭعى وزگەرىستەرىمەن تانىستىرىپ, زاڭنامالىق نوۆەللالار مەن ساياسي جاڭعىرتۋ شارالارىنا باسا نازار اۋداردى.
سپيكەر جاڭا الدىن الۋ ينستيتۋتتارىن ىسكە اسىرۋدىڭ العاشقى ناتيجەلەرى تۋرالى ەگجەي-تەگجەيلى ايتىپ بەردى. ولاردىڭ ىشىندە ءبىرىنشى باسشىلاردىڭ وتستاۆكاعا كەتۋى, نقا-نىڭ سىبايلاس جەمقورلىققا قارسى ساراپتاماسى, سىبايلاس جەمقورلىق قۇقىق بۇزۋشىلىقتار تۋرالى حابارلاعانى ءۇشىن ازاماتتاردى كوتەرمەلەۋدىڭ سارالانعان جۇيەسى, كومپلاەنس-قىزمەتتەر ينستيتۋتىن ەنگىزۋ, سىبايلاس جەمقورلىق قىلمىستار سۋبەكتىلەرىن كەڭەيتۋ, كۆازيمەملەكەتتىك سەكتور باسشىلارىنىڭ سىبايلاس جەمقورلىققا جانە مۇددەلەر قاقتىعىسىنا قارسى ءىس-قيمىل بويىنشا شارالار قابىلداماعانى ءۇشىن جاۋاپتىلىعى اتاپ ءوتىلدى.
اگەنتتىك توراعاسى حالىقارالىق ۇيىمداردىڭ, سونىڭ ىشىندە IHS Markit ۇسىنىمدارىنىڭ ورىندالۋىنا ەرەكشە نازار اۋداردى. اتاپ ايتقاندا, سىبايلاس جەمقورلىق ءۇشىن سوتتالعاندار ءۇشىن مەرزىمىنەن بۇرىن شارتتى تۇردە بوساتۋدىڭ كۇشىن جويۋ, قۇقىق قورعاۋ جانە سوت ورگاندارى قىزمەتكەرلەرىنىڭ جاۋاپكەرشىلىگىن قاتاڭداتۋ, مۇددەلەر قاقتىعىسىنىڭ الدىن الۋ بويىنشا شەكتەۋلەردى كەڭەيتۋ جانە شەتەلدىك بانكتەردەگى شوتتاردى يەلەنۋگە تىيىم سالۋ, سونداي-اق بيزنەستى قورعاۋدى كۇشەيتۋ اتاپ ءوتىلدى.
كەزدەسۋ سوڭىندا تاراپتار ورتاق ماقساتتارعا تابىستى قول جەتكىزۋ ءۇشىن ديالوگتى جالعاستىرۋعا نيەت ءبىلدىردى.
