جيىن بارىسىندا مادەنيەت ءمينيسترى 2020 جىلى اتقارىلعان ىستەردى قورىتىندىلادى. سونداي-اق, مادەنيەت, سپورت, تۋريزم, لوتەرەيا جانە ويىن بيزنەسى سالاسىنداعى زاڭ جوبالارىنا وزگەرىستەر مەن تولىقتىرۋلار ەنگىزىلگەنىن ايتتى.
قاسىم-جومارت توقاەۆتىڭ جارلىعىمەن "وتان" وردەنىمەن "استانا وپەرا" مەملەكەتتىك وپەرا جانە بالەت تەاترىنىڭ جەتەكشى وپەرا ءسوليسى مايرا مۇحامەدقىزى ماراپاتتالدى.
"پاراسات" وردەنى وليمپيادا دايارلاۋ ورتالىعىنىڭ ديرەكتورى ميرحايات سەمبەكوۆكە تابىستالدى.
"قۇرمەت" ودەنىمەن ماراپاتتالدى:
- "قازاقكونتسەرت" مەملەكەتتىك كونتسەرت ۇيىمىنىڭ اۋدارماشىسى سەرىكزات دۇيسەنعازى,
- وتەپ اتىنداعى دارىندى بالالارعا ارنالعان ونەر مەكتەپ ينتەرناتىنىڭ ديرەكتورى مارجان ەسجانوۆا,
- "استانا وپەرا" مەملەكەتتىك وپەرا جانە بالەت تەاترىنىڭ وركەستر كونتسەرتمەيستەرى الەكساندر مالينوۆسكي,
- ماكسيم گوركي اتىنداعى مەملەكەتتىك اكادەميالىق ورىس دراما تەاترىنىڭ ءارتىسى سۆەتلانا فورتۋنا.
"ەرەن ەڭبەگى ءۇشىن" مەدالىمەن ماراپاتتالدى:
- "اسىل-ديزاين" ءسان ءۇيىنىڭ باس ديزاينەرى ايدارحان قاليەۆ,
- مادەنيەت جانە سپورت مينيسترلىگىنىڭ دەپارتامەنت ديرەكتورى جاڭىل مۇحتاروۆا,
- "ەسىل" رەسپۋبليكالىق گازەتىنىڭ باس رەداكتورى ەسەنگەلدى ءسۇيىنوۆ,
- قازاق ۇلتتىق حورەوگرافيا اكادەمياسىنىڭ وقىتۋشىسى راۋشان تولەگەنوۆا.
"قازاقستاننىڭ ەڭبەك سىڭىرگەن قايراتكەرى" قۇرمەتتى اتاعى "قازاقكونتسەرت" مەملەكەتتىك كونتسەرت ۇيىمىنىڭ قازاق سيمفونيالىق ۇيىمىنىڭ ءارتىسى ەرمەك ماگاۆينگە بەرىلدى.
سونىمەن قاتار اقتوتى رايىمقۇلوۆا "قۇرمەت" گراموتاسىن قازاق ۇلتتىق ونەر ۋنيۆەرسيتەتىنىڭ اعا وقىتۋشىسى ولگا جۋلديەۆاعا تابىستادى.
"قانشاما ارىپتەسىمىز, سپورت, ونەر مايتالمانى كەرەمەت ناگرادامەن ماراپاتتالىپ جاتىر. بۇل ءبىزدىڭ قارقىندى جانە قاجىرلى ەڭبەكتەرىڭىزدىڭ ارقاسى. تاۋەلسىزدىك كۇنى قارساڭىندا ماراپات العان ارىپتەستەرىمدى قۇتتىقتايمىن. بۇل مەملەكەتتىك ماراپاتتار سىزدەر ءۇشىن كاسىبي ءارى شىعارماشىلىق جاعىنان وسۋگە ستيمۋل بولادى دەپ سەنەمىن", - دەدى رايىمقۇلوۆا.
