فوتو اۆتورى: ماكسيم زولوتۋحين
بۇل تۋرالى وڭىرلىك كوممۋنيكاتسيالار قىزمەتى الاڭىنداعى ونلاين-بريفينگ بارىسىندا الماتى قالاسىنىڭ تسيفرلاندىرۋ باسقارماسىنىڭ باسشىسى بايان قوڭىرباەۆ پەن IFC ايماقتىق وكىلدىگىنىڭ باسشىسى كاسساندرا كولبەرت كەڭىرەك باياندادى.
التى ايلىق جوبا - قالا تۇرعىندارىنىڭ پاندەمياعا دەيىن جانە ودان كەيىنگى كەزدەگى بەلسەندىلىگىنە باعا بەرۋ, سونىمەن بىرگە, قوعامدىق كەڭىستىكتەردى جانە كولىكتىك ينفراقۇرىلىمدى جوسپارلاۋدا, كوممەرتسيالىق نىسانداردى جانە جاڭا بيزنەستەردى دامىتۋدا قاجەتتى وزگەرىستەردىڭ ۇزاقمەرزىمدى مۇمكىندىكتەرىن قاراۋدى كوزدەيدى. جوبا جۇمىستارى «IFC قالالار» باعدارلاماسىنىڭ گرانتتىق قاراجاتى ەسەبىنەن جۇرگىزىلدى.
بۇل جوبادا 11 دەرەك كوزى پايدالانىلعان, ونىڭ ىشىندە GPS-بروكەرلەر, HERE / Google / ياندەكس, OSM, Hatch, Strava, Almaty Bike دەرەكتەرى بار. تالداۋ پاندەميا كەزەڭىندە ماڭىزدى بىرەگەي مەتريكالار بويىنشا جۇرگىزىلدى: جەردىڭ ماڭىزدىلىعى, ناقتى لوكاتسياداعى قالا تۇرعىندارى بەلسەندىلىگىنىڭ تومەندەۋى/وسۋى, پاندەميا كەزەڭىندە قالا اۋداندارىنىڭ ورتالىقتىلىق/ماڭىزدىلىق يندەكسى, ءارتۇرلى اۋداندارداعى كوممەرتسيالىق فۋنكتسيالاردىڭ قولجەتىمدىلىگى/تاپشىلىعى, كوشە-جول جەلىسىنىڭ بايلانىستىلىعى, ۆەلوقوزعالىس جايلىلىعىنىڭ ينتەگرالدىق يندەكسى, كولىك حابتارىنىڭ تيپولوگياسى, شاعىن جانە ورتا بيزنەس ءۇشىن الەۋەتتى ء«وسۋ نۇكتەلەرىن» انىقتاۋ.
سونىمەن بىرگە جوبا الماتى ۆەلو-قوعامداستىعىمەن بىرلەسىپ, قالانىڭ بولاشاق ۆەلوستراتەگياسى بويىنشا جوبالىق كوماندانىڭ جۇمىسى قالالىق ينفراقۇرىلىمدى جوسپارلاۋعا ەلەۋلى ۇلەس قوسادى. ناتيجەسىندە Almaty Bike پايدالانۋشىلارىنىڭ ەڭ تالاپ ەتىلگەن ۆەلوباعىتتارىن مودەلدەۋگە جانە بۇل قالانىڭ ۆەلوجولدار/ۆەلوجولدار جەلىسىن ازىرلەۋ كەزىندە جاقسى نەگىز بولدى.
قالا تۇرعىندارىنىڭ گەو-كەڭىستىكتىك دەرەكتەردى پايدالانۋىن ىنتالاندىرۋ ءۇشىن جوبا سەرىكتەستەرى COVID-19 كەزەڭىندەگى قالالىق موبيلدىلىكتىڭ وزگەرۋىن كورسەتەتىن قوعامدىق كارتانى ىسكە قوستى. بۇل قۇرال موبيلدىلىكتىڭ وزگەرۋى تۋرالى تاريحي دەرەكتەردى قاراۋعا, ولاردى قالا ينفراقۇرىلىمىن دامىتۋ تۋرالى شەشىم قابىلداۋ كەزىندە ساراپتاما جاساۋ ءۇشىن پايدالانۋعا مۇمكىندىك بەرەدى.
قالانى تسيفرلاندىرۋ باسقارماسىندا حالىقتىڭ موبيلدىلىگىنىڭ مۇنداي مونيتورينگى قالا اكىمشىلىگى مەن كاسىپكەرلەرگە دەرەكتەردى تالداۋ نەگىزىندە باسقارۋشىلىق شەشىمدەر قابىلداۋدا, سونداي-اق قالا تۇرعىندارىنا ءوز اۋدانى نەمەسە بۇكىل قالا دەڭگەيىندەگى جاعدايدى مونيتورينگىلەۋ جانە تالداۋ, ونىڭ ىشىندە كۇندەلىكتى بەلسەندىلىكتى جوسپارلاۋ ءۇشىن پايدالى ەكەنىن اتاپ ءوتتى. سونىمەن بىرگە, ۇسىنىلعان دەرەكتەر جيىنتىعى زەرتتەۋ ورتالىقتارى مەن ۋنيۆەرسيتەتتەرگە پاندەميانىڭ سالدارىن ەگجەي-تەگجەيلى زەرتتەۋ جانە بەيىمدەلۋ شارالارىن ازىرلەۋ ءۇشىن مالىمەتتەر بەرە الادى.
جوبا ناتيجەلەرى, Almaty Mobility Monitor كوپشىلىك ينتەرفەيسى مەن ءتيىستى داتا-سەتتەر digital-almaty.kz.سايتىندا قولجەتىمدى.
