اۋماعى 7200 شارشى مەتر بولاتىن مەكتەپتە 29 جالپى سىنىپ جانە 5 ينتەراكتيۆتى سىنىپ قاراستىرىلعان. اقسۋاباد اۋىلىنداعى جاڭادان پايدالانۋعا بەرىلگەن ءبىلىم ۇياسى دا 600 وقۋشىعا ارنالعان. مەكتەپتە 48 جالپى جانە 6 ينتەراكتيۆتى سىنىپتار بار. ءبىلىم ۇياسىنىڭ اشىلۋ سالتاناتىنا سايرام اۋدانىنىڭ اكىمى ۇلاسبەك سادىبەكوۆ پەن اۋىلدىڭ بەدەلدى ازاماتتارى, ۇستازدار قاۋىمى قاتىستى.
سونداي-اق اۋىل جاستارى ءۇشىن اۋدانداعى شاپىراشتى ەلدى مەكەنىندە جابىق فۋتبول مانەجى پايدالانۋعا بەرىلدى. قازىرگى تاڭدا اۋىل جاستارى مەن جاسوسپىرىمدەر سانيتارلىق تالاپتاردى ساقتاپ, دەنەشىنىقتىرۋ مەن سپورتقا تارتىلۋدا. اۋداندا وسىنداي جابىق فۋتبول مانەجدەر سانى 20-عا جەتىپ وتىر. ياعني بارلىق اۋىل وكرۋگتەرىنىڭ ورتالىق ەلدى مەكەندەرىندە جاستاردىڭ سپورتپەن اينالىسۋىنا مۇمكىندىك جاسالعان. سپورت نىسانىنىڭ اشىلۋىندا اۋدان اكىمى ۇلاسبەك سادىبەكوۆ جاستاردى سالاۋاتتى ءومىر سالتىن ۇستانۋ, دەنساۋلىعىن ودان ءارى جاقسارتۋعا شاقىرىپ, الداعى جارىستاردا اۋىلدان چەمپيونداردىڭ شىعۋىنا تىلەكتەستىگىن ءبىلدىردى.
