الماتى قالالىق پوليتسيا دەپارتامەنتىنىڭ تەرگەۋ باسقارماسى 1977 جىلى تۋعان, شىعىس قازاقستان وبلاسىنىڭ تۋماسى ش.ەسىمدى ازاماتقا قاتىستى سوتقا دەيىنگى تەرگەۋدى جۇرگىزۋدە, ول 2014 جىلدان باستاپ قازىرگى ۋاقىتقا دەيىن, الماتى قالاسىنىڭ اۋماعىندا ءجۇرىپ, “حان تەنگري” تۇرعىن ءۇي كەشەنىنەن “جالعا بەرىلەتىن تۇرعىن ءۇي” مەملەكەتتىك باعدارلاماسى بويىنشا تۇرعىن ءۇي الۋ, سونداي-اق, جەر ۋچاسكەلەرى مەن قاماۋعا الىنعان كولىك قۇرالدارىن ەلەكتروندىق ساۋدادان الىپ بەرەمىن دەپ سىلتاۋراتىپ, بىرقاتار جابىرلەنۋشىلەردى الداۋ جانە سەنىمىنە قيانات جاساۋ ارقىلى, ولاردىڭ قاراجاتتارىن ءىرى كولەمدە يەمدەنىپ, 400 ميلليون تەڭگەدەن استام ماتەريالدىق شىعىن كەلتىردى.
– اتالعان فاكتى بويىنشا قر قك-ءنىڭ 190-بابى 4-بولىگى, 2-تارماعىنا سايكەس قىلمىستىق قۇقىق بۇزۋشىلىق بەلگىلەرى بويىنشا سوتقا دەيىنگى تەرگەۋ باستالدى. ش.ازامات كۇدىكتى دەپ تانىلدى. ول قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىنىڭ 128-131 باپتارىنا سايكەس ۋاقىتشا ۇستاۋ يزولياتورىنا قامالدى. الماتى قالاسىنىڭ مامانداندىرىلعان اۋدانارالىق تەرگەۋ سوتى كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسىن تاڭدادى. قازىرگى ۋاقىتتا تەرگەۋ امالدارى جالعاسۋدا. سونىمەن قاتار, ءبىز ازاماتتارعا ش.ازاماتتىڭ زاڭسىز ارەكەتتەرى سالدارىنان زارداپ شەككەندەردى مىنا مەكەن-جايعا جۇگىنۋگە شاقىرامىز: الماتى ق., ماسانچي ك-ءسى, 55 ءۇي, الماتى قالاسى پد تب ورپپوپ ىشكى ىستەر ورگاندارىنىڭ اعا تەرگەۋشىسى, پوليتسيا مايورى ي.گ.ليتۆينەنكو ج.ت. 261-84-90, 254-40-59 جانە 8-775-284-55-56, – دەپ حابارلادى, الماتى قالاسى پد تەرگەۋ باسقارماسى ءبولىمىنىڭ باستىعى ءادىل سالاەۆ.
