سىرتتاعى ويىنعا قاراعاندا, ءوز مۇز ايدىنىندا ءساتتى ونەر كورسەتەتىن ەلوردالىق كوماندا «بارىس ارەنادا» وتكىزىپ جۇرگەن كەيىنگى ويىندارىنىڭ ءبارىن جەڭىسپەن تۇيىندەپ, جانكۇيەرلەرىن قۋانتىپ جۇرگەن بولاتىن. وكىنىشكە قاراي, ءۇي ويىندار سەرياسىنداعى سوڭعى كەزدەسۋدە «تورپەدو» ۇجىمىنان جەڭىلىپ, ءتورت ويىنعا سوزىلعان جەڭىستى سەريانى جالعاستىرا المادى.
جەرلەستەرىمىز العاشقى كەزەڭدە وتە سۇرەڭسىز ويىن كورسەتتى. ءبىرىنشى 20 مينۋتتىڭ ورتا تۇسىنا كەلگەندە قوناقتاردىڭ شابۋىلشىسى سەرگەي گونچارۋك مەرگەندىگىمەن كوزگە ءتۇسىپ, حەنريك كارلسسوندى قاپى قالدىردى. ەكىنشى كەزەڭدى دە «تورپەدو» ويىنشىلارى ءساتتى باستادى. العاش ميحايل ۆارناكوۆ «تورپەدونىڭ» باسىمدىعىن نىعايتسا, ءسال كەيىنىرەك دجاستين كلۋس تابلوداعى كورسەتكىشتى 3:0-گە جەتكىزدى. ءۇش گول وتكىزىپ العاننان كەيىن عانا ەس جيعان ايدىن يەلەرى قارقىن الىپ, ۇزىلىسكە دەيىن ەسەپ ايىرماسىن قىسقارتۋعا مۇمكىندىك الدى. اينالدىرعان سەگىز مينۋتتىڭ ىشىندە فيل ۆارونە قوناقتار قاقپاسىنا ەكى رەت ءدال سوققى جاساپ, ەسەپتى 3:2-گە دەيىن قىسقارتتى. الايدا سوڭعى كەزەڭدە «بارىستىڭ» جەڭىستى ج ۇلىپ الۋعا شاماسى جەتپەدى.
