بۇگىن الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن قالالىق ءبىلىم ءبولىمىنىڭ باستىعى لياززات جىلقىباەۆانىڭ, اۋداندىق ءبىلىم بولىمدەرى باسشىلىلارىنىڭ, سونداي-اق «رەسپۋبليكالىق جەكە ءبىلىم بەرۋ ۇيىمدارىنىڭ قاۋىمداستىعى» زاڭدى تۇلعالار بىرلەستىگىنىڭ ءتورايىمى روزا سادىقوۆانىڭ قاتىسۋىمەن ونلاين-جۇمىس كەزدەسۋى ءوتتى.
بۇعان دەيىن الماتى اكىمدىگى مەگاپوليس اكىمى باقىتجان ساعىنتاەۆتىڭ تاپسىرماسى بويىنشا مەملەكەتتىك بيۋدجەتتىك تاپسىرىسپەن جەكە مەكتەپكە دەيىنگى ۇيىمداردا بالالاردى تاماقتاندىرۋ قۇنىن سۋبسيديالاۋدى جەرگىلىكتى بيۋدجەت ارقىلى ىسكە اسىرۋ تۋرالى باستاما كوتەرگەن بولاتىن. بۇل باستامانى قازاقستان رەسپۋبليكاسى ءبىلىم جانە عىلىم مينيسترلىگى قولدادى.
نەگىزگى ماقسات — اتا-انالاردىڭ جەكەمەنشىك بالاباقشالاردا بالالاردى تاماقتاندىرۋ شىعىندارىن سۋبسيديالاۋ ارقىلى الماتىلىق بالالاردى مەكتەپكە دەيىنگى تاربيەمەن قامتۋدى كەڭەيتۋ. بۇل ءوز كەزەگىندە جۇكتەمەنى ازايتىپ, مەملەكەتتىك بالاباقشالارداعى ورىن تاپشىلىعىن شەشۋگە مۇمكىندىك بەرەدى.
اتاپ ايتقاندا, مەملەكەتتىك ءبىلىم بەرۋ تاپسىرىسى بەرىلگەن جەكە بالاباقشالاردا تاربيەلەنۋشىنىڭ جاسىنا قاراماستان, جەرگىلىكتى بيۋدجەتتەن تاماقتانۋدىڭ 100% قۇنىن وتەۋ جوسپارلانىپ وتىر.
سەمينار بارىسىندا سۋبسيديالاناتىن جەكە مەكتەپكە دەيىنگى ۇيىمداردى تاڭداۋدىڭ ۇسىنىلعان ولشەمدەرى ەگجەي-تەگجەيلى تالقىلاندى.
ونلاين-وتىرىستىڭ ناتيجەسىندە اكىمنىڭ ورىنباسارى ەرجان باباقۇماروۆ بالالاردى مەكتەپكە دەيىنگى تاربيەمەن قامتۋ ماسەلەسىنىڭ ماڭىزدىلىعىن اتاپ ءوتىپ, سۋبسيديالاۋ مەحانيزمىنىڭ ۇسىنىلاتىن ولشەمدەرىن جەكە سەكتورمەن جانە جەكە ءبىلىم بەرۋ ۇيىمدارىنىڭ قاۋىمداستىعىمەن تالقىلاۋدى تاپسىردى. «قالا اكىمى ب.ساعىنتاەۆتىڭ وكىمى – بالاباقشالارداعى كەزەكتىڭ ايتارلىقتاي تومەندەۋىنە جاعداي جاساۋ. بۇل الەۋمەتتىك ماڭىزدى ماسەلە. سۋبسيديالاناتىن جەكە مەكتەپكە دەيىنگى ۇيىمداردى تاڭداۋ كريتەريلەرىن جەكە سەكتورمەن تالقىلاۋ كەرەك», – دەي كەلە ەرجان باباقۇماروۆ جانە مەكتەپكە دەيىنگى ءبىلىم بەرۋ قىزمەتتەرىنىڭ وسى سەگمەنتىندە جۇمىس جاسايتىن كاسىپكەرلەردى بەلسەندى ىنتىماقتاستىققا جانە سۋبسيديالاۋ مەحانيزمىنە قاتىسۋعا شاقىردى.
