الەمدەگى جەلاتين ءوندىرىسىنىڭ باستاماشىسى بولىپ تابىلاتىن كومپانيا ءونىمى «حالال» ستاندارتىنا سايكەس جۇمىس ىستەيدى. كەزدەسۋدە 35 ميلليون اقش دوللارىنىڭ (15,5 ميلليارد تەڭگە) «KazGelatine» ينۆەستيتسيالىق جوبانى تۇركىستان وبلىسىندا ىسكە اسىرۋ جولدارى تالقىلاندى.
مالايزيالىق كومپانيا جىلىنا 2500 توننا جەلاتين ۇگىندىسىن شىعاراتىن, 750 مىڭ ءىرى قارا مەن جىلقىنىڭ تەرىسىن وڭدەيتىن ءوندىرىس باستاماشىسى. «جوباڭىزدى ءبىزدىڭ وبلىستا جۇزەگە اسىرۋعا نيەت بىلدىرگەنىڭىز ءۇشىن سىزگە ريزاشىلىعىمدى بىلدىرگىم كەلەدى. سىزدەردىڭ كاسىپتەرىڭىزدى ءساتتى ىسكە قوسۋ ءۇشىن اكىمدىك تاراپىنان قاجەتتى جاعدايلار جاسالادى. بىلۋىمشە, ءسىزدىڭ ءوندىرىسىڭىز ەلدەگى حالال جەلاتينىنە دەگەن سۇرانىستى تولىقتاي جابا الادى جانە ەڭ باستىسى, بۇل ورتالىق ازياداعى جالعىز ءتۇرى بولادى», دەدى وبلىس اكىمى.
ءوندىرىس ورنى ازىق-ت ۇلىك قاۋىپسىزدىگى جونىندەگى يسلام ۇيىمى (IOFS) كەلىسىمىنە سايكەس جۇمىس ىستەيدى. يندۋستريالدى ايماقتان ينۆەستورعا اۋماعى 8 گەكتار جەر بەرىلەدى. ءوندىرىس ىسكە قوسىلعاندا 70 تۇراقتى جۇمىس ورنى اشىلماق. تاۋاردى وزبەكستان, ءباا, ساۋد ارابياسى مەن ءۇندىستان ەلدەرىنە ەكسپورتتاۋ كوزدەلگەن. مامانداردىڭ ايتۋىنشا, ماڭىزدى امينقىشقىلدارىنىڭ كوپ مولشەرىن قامتيتىن تابيعي اقۋىز كوزى ءوندىرىسىنىڭ الەمدىك يندۋسترياسىندا تەك 2% - ى حالال. سونداي-اق, ىسكە قوسىلاتىن ءوندىرىس جەلاتيندى وندىرۋدەن باستاپ, ونى كەيىننەن قايتا وڭدەۋمەن, ساۋداعا جانە باسقا كاسىپورىندارعا جىبەرۋ ءۇشىن وراۋمەن تولىق تسيكلدى قامتيتىن كەشەن بولماق. تاماق ونەركاسىبىنەن باسقا سالالاردا دا ءونىمدى تاراتۋ جوسپارلانعان.
تۇركىستان وبلىسى
