سونىڭ ءبىرى – وتكەن جىلى وڭىردە ورىن العان بانك قىزمەتكەرىنىڭ قىلمىسى بولىپ تابىلادى. ۆەدومستۆو باسشىسى ءىستىڭ ءمان-جايىن ەسكە سالدى. وقيعا 2019 جىلعى 11 قاراشادا جىتىقارا قالاسىندا ورىن العان. بانك قىزمەتكەرى ءوزىنىڭ جەكە شوتىنا 87 ميلليون تەڭگەدەن استام قارجى اۋدارىپ, بىردەن قر اۋماعىنان قاشىپ كەتكەن.
ول 2019 جىلدىڭ قاراشا ايىندا چەليابينسك قالاسىندا ۇستالدى. قازىرگى ۋاقىتتا بۇل قىلمىس بويىنشا تەرگەۋ اياقتالۋعا جاقىن جانە قىلمىستىق ءىس تاياۋ كۇندەرى سوتقا جىبەرىلەدى. سوسىن پروتسەسكە قاتىسۋشىلار ءىس ماتەريالدارىمەن تانىسادى. بەكەت ايماعامبەتوۆ نەگىزگى تەرگەۋ ارەكەتتەرىنىڭ رەسەي فەدەراتسياسىنىڭ اۋماعىندا پاندەميا كەزىندە جۇرگىزىلگەنىن حابارلادى. ول ءۇشىن قازاقستان پرەمەر-ءمينيسترىنىڭ كابينەتى ارقىلى رف قۇزىرەتتى ورگاندارىنا قۇقىقتىق كومەك كورسەتۋ تۋرالى حالىقارالىق تاپسىرما جولدانعان جانە رف قۇقىق قورعاۋ ورگاندارى تاراپىنان تولىق قولداۋ كورسەتىلگەن.
بۇل قىلمىستىق ءىس ماتەريالدارىنا تىركەلگەن زاتتاي ايعاقتاردى الۋعا مۇمكىندىك بەردى. ۇرلانعان اقشا بانككە قايتارىلدى.
