پرەزيدەنت قاسىم-جومارت توقاەۆتىڭ ۇلى ويشىلدىڭ 1150 جىلدىعىن حالىقارالىق دەڭگەيدە اتاپ ءوتۋ تۋرالى قاۋلىسىن ىسكە اسىرۋ اياسىندا قازاقستاننىڭ ساۋد ارابياسىنداعى ەلشىلىگى كورول فەيسال اتىنداعى يسلامدىق زەرتتەۋ ورتالىعىمەن بىرلەسىپ, ءال-فارابي اتىنداعى قازاق ۇلتتىق ۋنيۆەرسيتەتىنىڭ قولداۋىمەن ء«ابۋ ناسر ءال-ءفارابيدىڭ ادامزات وركەنيەتىنىڭ دامۋىنا قوسقان ۇلەسى» تاقىرىبىندا حالىقارالىق كونفەرەنتسيا وتكىزدى.
ءىس-شارا جۇمىسىنا كورول فەيسال اتىنداعى يسلامدىق زەرتتەۋلەر ورتالىعىنىڭ باسقارما توراعاسى حانزادا تۋركي ءال-فەيسال ءال ساۋد, يسلام ىنتىماقتاستىعى ۇيىمى باس حاتشىسىنىڭ عىلىم جانە تەحنولوگيا ماسەلەلەرى جونىندەگى ورىنباسارى اسقار مۋسينوۆ, قازۇۋ رەكتورى عالىمقايىر مۇتانوۆ, يراكتىق جازۋشى راشيد ءال-حايۋن, قازاقستان ۇلتتىق عىلىم اكادەمياسىنىڭ اكادەميگى, پروفەسسور ءابساتتار قاجى دەربىسالى, بىرقاتار ساۋدتىق فيلوسوفتار مەن عالىمدار قاتىسىپ, باياندامالار جاسادى.
كونفەرەنتسيا اشىلۋىندا ءسوز سويلەگەن ەلشى بەرىك ارىن كۇللى مۇسىلمان جۇرتىنىڭ ماقتانىشى, ءابۋ ناسىر ءال-ءفارابيدىڭ مۇراسىن دارىپتەۋ جانە الەمگە پاش ەتۋ ماقساتىندا قازاقستاندا جانە شەت ەلدەردە ءوتىپ جاتقان كەڭ اۋقىمدى مەرەيتويلىق جانە عىلىمي-پراكتيكالىق شارالار تۋرالى ايتا وتىرىپ, ولاردىڭ, مەملەكەت باسشىسى اتاپ وتكەندەي, رۋحاني جاڭعىرۋدا جانە جاستاردىڭ قۇندىلىقتارىن قالىپتاستىرۋدا ەرەكشە ماڭىزعا يە ەكەنىن ايتتى.
سونىمەن قاتار, ديپلومات عالىم بابامىزدىڭ ميراسى تۋرالى تۇڭعىش پرەزيدەنت – ەلباسى نۇرسۇلتان نازارباەۆ « ۇلى ويشىل ءال-فارابي ەسىمى ەلىمىزدىڭ ءيميدجىن الەمدىك دەڭگەيگە كوتەرۋگە ىقپال ەتەتىن اسا قۇندى رامىزدىك كاپيتال» دەپ اتاپ وتكەنىن جەتكىزدى.
ءوز كەزەگىندە حانزادا تۋركي ءال-فەيسال ءال-ءفارابيدىڭ الەمدىك دەڭگەيدەگى كەمەڭگەر تۇلعا ەكەندىگىن جانە ونىڭ ەڭبەكتەرى ادامزات وركەنيەتىنىڭ دامۋىنا وراسان زور ۇلەس قوسقانىن اتاي وتىرىپ, ونى يسلامدىق فيلوسوفيانىڭ نەگىزىن قالاۋشىلاردىڭ ءبىرى جانە جاھاندىق ءبىلىم مەن عىلىمدى جانجاقتى بايىتۋعا وڭ سەرپىن بەرگەن عۇلاما ۇستاز دەدى.
ا.مۋسينوۆ وسى مەرەيتويعا وراي يىۇ شەڭبەرىندە اتقارىلىپ جاتقان شارالار, سونىڭ ىشىندە ءۇ.ج. 27-28 قاراشادا نيگەر رەسپۋبليكاسىنىڭ استاناسى نيامەيدە وتكەن ۇيىمعا مۇشە مەملەكەتتەر سىرتقى ىستەر مينيسترلەرى كەڭەسىنىڭ 47-ءشى سەسسياسى بارىسىندا قازاق تاراپىنىڭ ۇسىنىسىمەن ءال-ءفارابيدىڭ 1150 جىلدىعىن ۇيىم شەڭبەرىندە مەرەكەلەۋگە قاتىستى باستامالارى قولداۋ تاۋىپ, ارنايى قارار قابىلدانعاندىعىن حابارلادى.
ءسوز العان باسقا قاتىسۋشىلار ءال-ءفارابيدىڭ ءومىر جولى مەن عىلىمي ەڭبەكتەرىنە قاتىستى وزدەرى جۇرگىزگەن ىزدەنىستەرى تۋرالى جان-جاقتى باياندادى. وسى رەتتە كورول فەيسال اتىنداعى ورتالىقتىڭ سيرەك كىتاپتار ءبولىمىنىڭ باسشىسى ومار تامالات ورتالىق قورىندا ءال-ءفارابيدىڭ بىرنەشە ەڭبەگىنىڭ قولجازبالارى مەن 90-عا جۋىق كوشىرمەلەرىنىڭ ساقتالعاندىعىن, حابارلاپ, ولاردى قازاقستاندىق عالىمدار ءوز ىزدەنىستەرىندە پايدالانۋىنا بولاتىنىن مالىمدەدى.
