اتالعان ماڭىزدى شاراعا ءبىلىم جانە عىلىم مينيسترلىگى جانە ايماقتىق ءبىلىم باسقارماسىنىڭ وكىلدەرى, شەتەلدىك قوناقتار, عالىمدار, مەكتەپكە دەيىنگى جانە ورتا ءبىلىم بەرۋ مەكەمەلەرىنىڭ, تجكب جانە جوعارى وقۋ ورىندارىنىڭ باسشىلارى مەن ءوزىن-ءوزى تانۋ ءپانىنىڭ مۇعالىمدەرى جانە اتا-انالار قاتىستى.
قاتىسۋشىلار نازارىنا ء«وزىن-ءوزى تانۋ» رۋحاني-ادامگەرشىلىك باعدارلاماسىنىڭ اۆتورى سارا نازارباەۆانىڭ بەينە ءدارىسى ۇسىنىلدى.
قاتىسۋشىلار بالالار ءومىرى مەن كۇندەلىكتى مىنەز-قۇلقىنا قاتىستى وزىندىك ويلارى, تاجىريبەلەرىمەن ءبولىستى.
پسيحولوگيا عىلىمدارىنىڭ كانديداتى الەكسەي بابايانتس ءوز بايانداماسىندا بالالاردىڭ كەيدە ەرەسەكتەرگە نەلىكتەن باعىنباي, ءتىلازار بولىپ كەتۋ سەبەپتەرىنە توقتالىپ ءوتتى. ال «بوبەك» ورتالىعىنىڭ باس ديرەكتورى ەلەنا ساكەنوۆا «وتباسى مەن مەكتەپ: ىنتىماقتاستىق شەگى» تاقىرىبىن جان-جاقتى اشىپ بەردى.
– مەكتەپ پەن وتباسى قارىم-قاتىناسى اركەز وزەكتى كۇيىندە قالا بەرەدى. ءارى قازىرگىدەي قاشىقتان وقۋ فورماتىندا وقۋشى مەن پەداگوگ جانە وتباسى اراسىنداعى بايلانىس ءرولى ءتىپتى كۇشەيە ءتۇستى. ءبىز ءبارىمىز – اتا-انا جانە ۇستازدار بالالارىمىزدىڭ باقىتتى بولۋىن قالايمىز. بۇل ىقىلاس ءبىزدى مىناداي ماڭگىلىك سۇراقتارعا ەرىكسىز جەتەلەپ الىپ كەلەدى: ادامنىڭ شىنايى باقىتى نەدە؟ ماحاببات سىيلاي الۋ – باقىت پا؟ بالانىڭ باقىتتى بولۋى ءۇشىن نە ىستەۋ كەرەك؟ اسىلىندە, بالانىڭ ءومىرى ەكى الەمدى جالعاپ تۇرادى: وتباسى الەمى جانە مەكتەپ الەمى. سوندىقتان مەكتەپ پەن وتباسى ىنتىماقتاستاعى ءبىز ءمان بەرۋگە ءتيىستى اسا ماڭىزدى فاكتور. نەگىزى بالانىڭ العاشقى ۇستازى – اتا-انا. بالالىق شاق – ادام ومىرىندەگى ماڭىزدى كەزەڭ. ول ەرەسەكتىك ومىرگە دايارلىق ەمەس, ول ناعىز شىنايى, قايتالانباس ۋاقىت. سول بالا كەزىندە كىم وعان اقىل بەردى, كىم ونى جەتەلەدى, قانداي دەڭگەيگە باعىتتادى, مىنە وسىدان كەلىپ بالانىڭ كەيىنگى دارەجەسى مەن ءومىر جولى قالىپتاسادى, دەپ اتاپ ءوتتى ەلەنا ساكەنوۆا.
ورتالىق قۇرامىنداعى ادامنىڭ ۇيلەسىمدى دامۋى ينستيتۋتىنىڭ ديرەكتورى يرينا كالاچەۆا ء«وزىن-ءوزى تانۋ ساباعىنداعى سانالى اتا-انالىق تاربيە» تاقىرىبىندا ءسوز سويلەدى.
العاش رەت قولعا الىنىپ وتىرعان ىرگەلى باستامانىڭ قاتىسۋشىلارى وتباسى مەن بالالىق شاق سالاسىنداعى كاسىبي ىنتىماقتاستىق ءارى قاراي كەڭەيىپ, نىعايا تۇسەرىنە سەنىم ءبىلدىردى.
الماتى
