اباي ەڭبەكتەرىن اۋدارۋدى قازاقستاننىڭ مادەنيەت جانە سپورت مينيسترلىگىنىڭ تاپسىرىسى بويىنشا “ۇلتتىق اۋدارما بيۋروسى” قق جانە چجەتسزيان ولكەسىنىڭ مادەنيەت جانە ونەر باسپا ءۇيىنىڭ جاردەمىمەن بەلگىلى جازۋشى, «قىتاي جازۋشىلارى» باسپا توبىنىڭ باس باسقارماسىنىڭ باسشىسى اكبار ءماجيت ۇلى جۇزەگە اسىردى.
كەش قوناقتارىنىڭ قاتارىندا قحر بۇرىنعى مادەنيەت جانە تۋريزم ءمينيسترى ۆان مەن, قحر-دىڭ قازاقستانداعى بۇرىنعى ەلشىسى چجوۋ سياوپەي, قىتاي جازۋشىلار قاۋىمداستىعى توراعاسىنىڭ ورىنباسارى لي تسزەنتسزي جانە باسقالارى بولدى.
اكبار ءماجيت ۇلى (1954 جىلى تۋعان) – قىتاي تىلىندە جازاتىن از ۇلتتاردىڭ وكىلدەرىنەن تۇراتىن قحر-دىڭ كورنەكتى جازۋشىلارىنىڭ ءبىرى. 1982 جىلدان باستاپ قىتاي جازۋشىلار وداعىنىڭ مۇشەسى, قحر حالىقتىق ساياسي كونسۋلتاتيۆتىك كەڭەسىنىڭ دەپۋتاتى بولعان, ءۇش رەت قحر مەملەكەتتىك سىيلىعىنىڭ يەگەرى, II دارەجەلى “دوستىق” وردەنىنىڭ كاۆالەرى, وننان استام كىتاپتىڭ, ونىڭ ىشىندە اباي شىعارمالارى اۋدارمالارىنىڭ اۆتورى .
اكبار ءماجيت ۇلىنىڭ اۋدارمالارى مەن شىعارماشىلىق ىزدەنىستەرىنىڭ ارقاسىندا بۇگىنگى تاڭدا قىتايلىق وقىرماندار اباي قۇنانباي ۇلىنىڭ اقىندىق جانە فيلوسوفيالىق مۇراسىمەن قاتار قازاق ادەبيەتىنىڭ باسقا دا كورنەكتى كلاسسيكتەرىنىڭ شىعارمالارىمەن تانىسا الادى.
