ەندى, مىنە, الەمدە جاعداي ءبىرشاما تۇراقتالعان سىڭاي تانىتقان سوڭ, قاراشادان باستاپ جارىستار ۇيىمداستىرىلا باستادى. جۋىردا ITTF وتكەن ايداعى ءۇش جارىستى ەسكەرە وتىرىپ, سپورتشىلاردىڭ رەيتينگىن قايتا جاڭارتتى. ەرلەر اراسىندا الەم كۋبوگىندا توپ جارعان فان چجەندون (قىتاي) رەيتينگتە كوش باستادى. ال قازاقستان قۇراماسىنىڭ ۇزدىگى كيريلل گەراسيمەنكو ءوزىنىڭ 46-ورنىن ساقتاپ قالدى. ايەلدەر اراسىندا الەم كۋبوگىندا دا, ITTF فينالىندا دا جەڭىسكە جەتكەن قىتايلىق چەن مەن دە رەيتينگتەگى ءبىرىنشى ورنىن ەشكىمگە بەرگەن جوق.
